جىلقى ءجۇرىسىنىڭ تۇرلەرى
ءتورت تۇلىكتىڭ تورەسى سانايدى. تۇلپاردى ەردىڭ قاناتىنا تەڭەيدى. قاسيەتتى تۇلىكتىڭ بار كەلبەتىنە باسا ءمان بەرگەن. ءجۇرىس-تۇرىسىنا دەيىن اڭعارعان، ات قويعان. ولاي بولسا جىلقىنىڭ ءجۇرىس تۇرلەرىن ايتا كەتەيىك.
اياڭ - اتتىڭ قاتتى ەمەس، باپپەن اقىرىن ءجۇرىسى.
وگىز اياڭ - وتە جاي ءجۇرىس.
سىلبىر اياڭ - بوساڭسىپ، ءىلبي باسقان ءجۇرىس.
سارى اياڭ - ءبىرقالىپتى جەدەل ءجۇرىپ وتىرۋ.
ىرعاق - شابانداپ ءجۇرۋ.
قارا ءجۇرىس - شاپپاي، جەلمەي اياڭداپ وتىرىپ ۇزاق جول ءجۇرۋ.
بۇلكىل- اياڭنان تەزدەۋ بولاتىن ءجۇرىس.
قۇلان بۇلكىل - ەكپىندەتە بۇلكىلگە باسىپ ءجۇرۋ.
جەلىس - اياڭ نە شابىس ەمەس جەدەلدەتە، شوقىراقتاپ ءجۇرۋ.
بوكەڭ جەلىس - ورتا ەكپىندە بوكەڭدەپ شابۋ.
سار جەلىس - اعىندى وتە جەدەل كۇشتى جەلىس.
تەكەك - جەلىس پەن شابىسارالىق شاپشاڭدىقتاعى ءبىرقالىپتى ەمەس، سەكەكتەي جايسىزداۋ جەلۋ.
جورتاق - اتتىڭ جەلىستەن باسەڭدەۋ ەكپىندەي بۇلكىلدەي ءجۇرۋى.
شوقىتۋ - تەكىرەكتەپ جەلىپ كەلىپ، ءبىراز شاۋىپ بارىپ، ىركۋ.
تەكىرەك - اتتىڭ جايسىز شوقاقتاپ جەلۋى.
قالماق جەلىس - جورتۋىلداپ تىنباي ءجۇرۋ.
شابىس - اتتىڭ باۋىرىن جازا، قوس اياقتاپ، ەكپىندەتە جەلدەي ەسىپ شابۋى.
اعىندى شابىس - كوسىلە، زاۋلاي شابۋ.
مايشوقىراق - جايلاپ قانا شابۋ.
جورعا - ءتورت اياقتى تەڭ سالىپ، تايپالا-تايپالا ىرعاتىلىپ، ادامعا جايلى كەلەتىن جىلقى ءجۇرىسى.
جول جورعا - جۇرىسكە بارابار ادامعا جايلى، ميتىڭداعان جورعا.
ءۇش اياق جورعا - جورعاسىنان جاڭىلىپ، تەكىرەكتەي جەلىپ بارىپ تۇزەپ الاتىن جورعا ءجۇرىس.
سۋ جورعا - جاڭىلمايتىن شاپشاڭ جورعالاۋ.
تايپالعان، توكپە جورعا - ەكپىندەي سانىمەن، توگىلتىپ جورعالاۋ.
سۋ توگىلمەس جورعا - اياق تاستاۋى تەڭ، جايلى جورعا.
massaget.kz