استانادا ەڭ ۇزدىك جاس وتباسىلار انىقتالدى

نۇر-سۇلتان. قازاقپارات - بۇگىن ەلورداداعى قازاق ۇلتتىق ونەر ۋنيۆەرسيتەتىندە «ۇزدىك جاس وتباسى» بايقاۋىنىڭ فينالى ءوتتى، دەپ حابارلايدى قازاقپارات ءتىلشىسى.

⠀

بيىل بايقاۋعا 100 گە جۋىق جاس وتباسى قاتىستى. ولار 4 كەزەڭنەن ءوتىپ، اقتىق سىنعا 10 جانۇيا جولداما الدى.

ءىس-شارا قورىتىندىسى بويىنشا 500 مىڭ تەڭگە كولەمىندەگى سەرتيفيكاتقا جانە جۇلدەلى ءبىرىنشى ورىنعا تلەۋبەك ۇلى شىڭعىس پەن تلەۋبەكوۆا مادينانىڭ وتباسى يە بولدى.

350 مىڭ تەڭگەلىك سەرتيفيكات پەن جۇلدەلى ەكىنشى ورىن مەرزامحان ايدوس پەن تىرناحان نۇرگۇلدىڭ جانۇياسىنا بەرىلدى.

250 تەڭگەلىك سەرتيفيكات پەن ءۇشىنشى ورىن ايمامبەتوۆ سۇڭعات پەن قايراتوۆا ارايلىمنىڭ وتباسىنا بۇيىردى.

«بىردە-ءبىر فيناليست لايىقتى ماراپاتسىز قالمايدى، سوندىقتان فينالعا وتكەن قالعان 7 وتباسى دا جۇبانىش سىيلىعى رەتىندە 100 مىڭ تەڭگەدەن الدى.

قاتىسۋشىلار وزدەرى ءۇشىن ەڭ باستىسى جەڭىس ەمەس، جاقسى كوڭىل-كۇي جانە وتباسىمەن بىرگە كوڭىل كوتەرۋ ەكەنىن اتاپ ءوتتى»، - دەدى قالا اكىمدىگىنەن.