نۇر-سۇلتاندا جاڭا ساياباق اشىلدى

None
None
نۇر-سۇلتان. قازاقپارات - ەلوردادا سەرۋەندەۋگە جانە جايلى دەمالىسقا ارنالعان جاڭا قوعامدىق ورىن پايدا بولدى، دەپ حابارلايدى قازاقپارات ءتىلشىسى.

سپورت الاڭى، مۇمكىندىگى شەكتەۋلى بالالارعا ارنالعان ويىن الاڭى بار ساياباق الماتى اۋدانىنداعى پرومىشلەننىي ەلدى مەكەنىندە اشىلدى.

«مۇندا جارىقتاندىرۋ، سۋارۋ جۇيەسى تولىعىمەن اۆتوماتتاندىرىلعان. سونىمەن قاتار، تۇرعىندار ءۇشىن زامان تالابىنا ساي، زاماناۋي، جاتتىعۋ قۇرىلعىلارى ورناتىلعان سپورت الاڭى سالىندى. بۇعان قوسا، بالالارعا ارنالعان ويىن الاڭى دا ورناتىلدى»، — دەيدى نۇر-سۇلتان قالاسى قورشاعان ورتانى قورعاۋ جانە تابيعاتتى پايدالانۋ باسقارماسى باسشىسىنىڭ ورىنباسارى ايدىن بەگىمبەكوۆ.

ا. بەگىمبەكوۆ ساياباقتا مۇمكىندىگى شەكتەۋلى بالالاردىڭ دا جاعدايى نازاردان تىس قالماعانىن ايرىقشا اتاپ ءوتتى.

پارك ىشىندە شاعىن اۋداننىڭ تۇرعىندارىمەن بىرگە سەنبىلىك ۇيىمداستىرىلعان. ونىڭ بارىسىندا 40 قاراعاي اعاشى دا ەگىلگەن. باسقارما باسشىسى اتاپ وتكەندەي، «نۇر-سۇلتان — جايلى قالا» جوسپارى بويىنشا ەلوردانىڭ شەت اۋماعىنداعى بوس جاتقان جەرلەردى يگەرۋ ارقىلى، سول سياقتى جارامسىز ەسكى عيماراتتاردى بۇزۋ ارقىلى ەل يگىلىگىنە، تۇرعىنداردىڭ جايلىلىعىنا ارنالعان الاڭقايلار، ساياباقتار بىرتىندەپ اشىلاتىن بولادى. بيىلعى جىلدىڭ وزىندە قالادا 150 اۋلا مەن 50 دەن استام قوعامدىق كەڭىستىك اباتتاندىرىلدى.


سوڭعى جاڭالىقتار