قاي وڭىردە اۆتوبۋس جۇرگىزۋشىلەرى ەڭ كوپ ەرەجە بۇزادى؟
ق ر ىشكى ىستەر مينيسترلىگى ەل اۋماعىندا «اۆتوبۋس» جەدەل الدىن الۋ شاراسىن وتكىزىپ جاتىر.
«جەدەل الدىن الۋ ءىس-شاراسىنا پوليتسيا قىزمەتكەرلەرىمەن بىرگە كولىكتىك باقىلاۋ، توتەنشە جاعداي ورگاندارىنىڭ قىزمەتكەرلەرى، قوعام وكىلدەرى قاتىستى. ءۇش كۇندىك رەيد بارىسىندا اۆتوبۋس جۇرگىزۋشىلەرى جاساعان جول قوزعالىسى ەرەجەلەرىن بۇزۋدىڭ 10 مىڭعا جۋىق جاعدايى انىقتالدى. ولاردىڭ ەڭ كوبى تۇركىستان (1063)، قاراعاندى (794)، الماتى (775)، پاۆلودار (715)، شىعىس قازاقستان (708) جانە ماڭعىستاۋ (704) وبلىستارىندا، سونداي-اق الماتى (744) مەن نۇر-سۇلتان (702) قالالارىندا انىقتالدى»، - دەلىنگەن Polisia.kz سايتىنداعى مالىمەتتە.
سونىمەن قاتار، پوليتسەيلەر ماس كۇيىندە جولاۋشىلار كولىگىن باسقارۋدىڭ 15 فاكتىسىنىڭ جولىن كەستى.
بارلىق جۇرگىزۋشىلەر كولىك جۇرگىزۋ قۇقىعىنان ايىرىلاتىن بولادى. بۇدان باسقا، ەڭبەك جانە دەمالىس رەجيمىن بۇزۋدىڭ 43 فاكتىسى، ساقتاندىرۋ زاڭناماسىن بۇزا وتىرىپ كولىكتى باسقارۋدىڭ 264 فاكتىسى، تەحنيكالىق بايقاۋدان وتپەگەن جانە زاڭسىز قايتا جابدىقتالعان 1 مىڭنان استام اۆتوبۋس، جىلدامدىقتى ارتتىرۋدىڭ 300 گە جۋىق فاكتىسى انىقتالدى. جولاۋشىلاردى تاسىمالداۋ كەزىندە 1700 دەن استام اۆتوبۋس جۇرگىزۋشىسى تەلەفوندى پايدالانعان، سونداي-اق 114 ءى جولاۋشىلاردى زاڭسىز تاسىمالداعان. زاڭ بۇزۋشىلىقتارى بار اۆتوبۋستاردى جولعا شىعارعانى ءۇشىن اۆتوبۋس پاركتەرى باسشىلارىنىڭ قاتارىنان 126 لاۋازىمدى ادام اكىمشىلىك جاۋاپكەرشىلىككە تارتىلدى.
ال جەكەلەگەن جاعدايلاردا جولاۋشىلاردى تاسىمالداۋعا ارنالعان شارتتاردى بۇزا وتىرىپ، ليتسەنزيالاردىڭ قولدانىلۋى توقتاتىلدى.
377 زاڭسىز قايتا جابدىقتالعان اۆتوبۋس، سونداي-اق پايدالانۋعا تىيىم سالىنعان تەحنيكالىق جاي-كۇيى قاۋىپسىزدىك تالاپتارىنا سايكەس كەلمەيتىن كولىك قۇرالدارى انىقتالدى.
292 كولىك قۇرالى ايىپ تۇراعىنا قويىلدى. جەدەل الدىن الۋ ءىس-شاراسى بارىسىندا پوليتسيا جانە ت ج م قىزمەتكەرلەرى اۆتوبۋستاردىڭ الداعى قىس كەزىندە پايدالانۋعا سايكەستىگىن تەكسەردى.
جالپى، بيىلدىڭ توعىز ايىنداعى دەرەكتەر بويىنشا اۆتوبۋس جۇرگىزۋشىلەرىنىڭ كىناسىنەن بولعان جول-كولىك وقيعالارىنىڭ سانى 39 پايىزعا تومەندەگەن.