گولوۆكيننىڭ كەلەسى جەكپە-جەگىنىڭ جاڭا داتاسى اتالدى

None
None
نۇر-سۇلتان. قازاقپارات - IBF نۇسقاسى بويىنشا ورتا سالماقتاعى الەم چەمپيونى گەننادي گولوۆكيننىڭ پروموۋتەرى، Matchroom Boxing پروموۋتەرلىك كومپانيانىڭ باسشىسى ەددي حيرن GGG- ءدىڭ 2020-جىلى جەكپە-جەگى وتەتىنىنە ءۇمىت قالماعانىن ءمالىم ەتتى، دەپ حابارلايدى قازاقپارات Sports.kz سايتىنا سىلتەمە جاساپ.

گەنناديدىڭ مىندەتتى قارسىلاسى پولشا بوكسشىسى كاميل شەرەمەتا بولۋى ءتيىس. بۇعان دەيىن جەكپە-جەك 20 - قاراشا كۇنى وتەتىنى حابارلانعان ەدى. الايدا، شەرەمەتانىڭ جاتتىقتىرۋشىسى فەدور لاپين ايقاس كۇنى كەزەكتى رەت اۋىستىرىلاتىنىن مالىمدەدى.

ە. حيرن كەزدەسۋ وسى جىلدىڭ سوڭىندا نەمەسە كەلەسى جىلدىڭ باسىندا ءوتۋى مۇمكىن ەكەندىگىن ايتۋدا.

«ءيا، گەننادي رينگكە 2020-جىلى قايتىپ ورالۋدى كوزدەپ وتىر دەپ ويلايمىن. DAZN- نان جەكپە-جەكتەر كەستەسىن قاراستىرۋ كەرەك. DAZN بۇل جەكپە-جەك (گولوۆكين- شەرەمەتا) قوماقتى اقشا تولەپ وتىر جانە ونىڭ قاشان وتكىزىلەتىنىن ولار شەشەدى. گەننادي گولوۆكين 2019-جىلدىڭ قازان ايىنان بەرى جۇدىرىقتاسقان جوق. كوپ ۋاقىت بولدى. قازىرگى كەزدە GGG مانسابىندا باستىسى - سينكو دە مايودا «كانەلومەن» ۇلكەن جەكپە-جەكتىڭ ءوتۋىن قامتاماسىز ەتۋ. سوندىقتان، ەگەر گەننادي جەلتوقسان نە قاڭتار ايىندا جۇدىرىقتاسسا جانە شەرەمەتانى تازا جەڭسە، بىردەن «كانەلومەن» ءۇشىنشى جەكپە-جەككە وتەتىنىنە ۇمىتتەنەمىز. كەز كەلگەن بوكسشى ءۇشىن 2020-جىلى بىردە-ءبىر جەكپە-جەكتىڭ بولماۋى - ۇلكەن سوققى»، - دەدى حيرن SI Boxing-قا بەرگەن سۇحباتىندا.

سوڭعى جاڭالىقتار