11:45, 24 - قازان 2020 | GMT +6
توقايەۆ: قازاقستان ب ۇ ۇ جارعىسىنىڭ قاعيداتتارىنا ادالدىعىن ساقتايدى
نۇر-سۇلتان. قازاقپارات - قازاقستان ب ۇ ۇ جارعىسىنىڭ قاعيداتتارىنا ادالدىعىن ساقتايدى.
بۇل تۋرالى قازاقستان پرەزيدەنتى قاسىم-جومارت توقايەۆ Twitter دە جازدى.
«1945 ج. 24 - قازاندا، ياعني 75 جىل بۇرىن ب ۇ ۇ قۇرىلدى. بۇل جاھاندىق ينستيتۋت قىرعي- قاباق سوعىس كەزىندە جانە جالپى قۇبىلمالى كەزەڭدە ءوز تيىمدىلىگىن دالەلدەدى. سوندىقتان ونىڭ بالاماسى جوق. قازاقستان ب ۇ ۇ جارعىسىنىڭ قاعيداتتارىنا، امبەباپ ۇيىمنىڭ ۇزاقمەرزىمدى ماقساتتارىنا ادالدىعىن ساقتايدى»، - دەدى ق. توقايەۆ.
بۇعان دەيىن حابارلاعانىمىزداي، بۇگىن مەملەكەت باسشىسى بىرىككەن ۇلتتار ۇيىمىنىڭ 75 جىلدىعىنا وراي ب ۇ ۇ باس حاتشىسى انتونيۋ گۋتەرريشكە قۇتتىقتاۋ جەدەلحاتىن جولدادى.