قازاقستان اۋەسقوي بوكسى الەمدەگى ەڭ مىقتىنىڭ ءبىرى ەكەنى ايتىلدى

نۇر-سۇلتان. قازاقپارات - FightSpace جوباسىنىڭ نەگىزىن قالاۋشى گريگوري ستانگريت قازاقستاندىق بوكس مەكتەبىن الەمدەگى ەڭ مىقتىلار قاتارىنا قوستى.

Vesti.kz كونفەرەنتسياسىنا بەرگەن سۇحباتىندا ول ازيالىق چەمپيونات تالانتتارعا تولى ەكەنىن اتاپ ءوتتى.

«قازاقستان، ۋكراينا، رەسەي، وزبەكستان، كۋبا قازىرگى تاڭدا كوشباسشى دەپ ويلايمىن»، - دەيدى ول.

سونىمەن قوسا، ول ەۋروپالىقتان گورى ازيالىق چەمپيوناتتاردا تالانتتار كوبىرەك ەكەنىن ايتادى.

«قازاقستان مەن وزبەكستان ازيادا ونەر كورسەتەدى، قىتايدا ءبىراز ىلگەرلەدى، موڭعوليادا مىقتى بوكسشىلار بار ەكەنىن ەسەپكە الساق، وندا ازيا چەمپيوناتى تالانتتار جاعىنان ەۋروپا چەمپيوناتىنان ارتىق دەپ ايتۋعا بولادى»، - دەيدى ستانگريت.