قازاقستاندىق «جانىم، ايتسام سەنبەيسىڭ عوي» فيلمى رەسەي فەستيۆالىندە باس جۇلدەنى جەڭىپ الدى

None
None
نۇر-سۇلتان. قازاقپارات - قازاقستاندىق «جانىم، ايتسام سەنبەيسىڭ عوي» فيلمى رەسەيلىك «كينوشوك» فەستيۆالىنىڭ باس جۇلدەسىن جەڭىپ الدى، دەپ حابارلايدى قازاقپارات.

بۇل جايىندا كينوفەستيۆالدىڭ رەسمي سايتىندا جاريالاندى.

1992-جىلدان بەرى رەسەيدىڭ اناپا قالاسىندا ۇيىمداستىرىلاتىن جىل سايىنعى «كينوشوك» فەستيۆالىنىڭ سالتاناتتى ماراپاتتاۋ ءراسىمى بيىل 17-23- قازان ارالىعىندا وتكەن بولاتىن. شارانىڭ باس جۇلدەسى - تولىق مەتراجدى فيلمگە بەرىلەتىن «التىن ساباق» گران-پري سىيلىعىن ەرنار نۇرعاليەۆتىڭ «جانىم، ايتسام سەنبەيسىڭ عوي» فيلمى يەلەندى.

كينوتۋىندى سونىمەن قاتار باسپا ءسوز ديپلومىن الىپ، «ۇزدىك سەناري» اتالىمىندا كوش بويى وزىپ شىقتى.

سونداي-اق قازاقستاندىق «چەرنىي، چەرنىي چەلوۆەك» فيلمىنىڭ قويۋشى رەجيسسەرى ءادىلحان ەرجانوۆ فەستيۆالدىڭ «ۇزدىك رەجيسسۋرا» نوميناتسياسىندا جەڭىسكە جەتتى.


ال وسى فيلمنىڭ باستى ءرولىن سومداعان دانيار الشىنوۆ ۇزدىك اكتەر اتاندى.

ايتا كەتەيىك، دانيار الشىنوۆ «جانىم، ايتسام سەنبەيسىڭ عوي» فيلمىندە دە باستى رولدە ويناعان.


سوڭعى جاڭالىقتار