سولتۇستىك قازاقستان وبلىسىندا كارانتين كۇشەيدى

None
None
پەتروپاۆل. قازاقپارات - سولتۇستىك قازاقستان وبلىسى باس سانيتار دارىگەرىنىڭ جاڭا قاۋلىسى شىعىپ، وڭىردە كارانتين تالاپتارى كۇشەيدى، دەپ حابارلايدى قازاقپارات.

باس سانيتار دارىگەر سەرىك قاسماقاسوۆتىڭ 23- قازانداعى 33№ قاۋلىسىنا سايكەس، ماعجان جۇمابايەۆ، مامليۋت، ءۋاليحانوۆ اۋداندارىنىڭ جانە پەتروپاۆل قالاسىنىڭ اكىمدەرى، كولىكتەگى سانيتاريالىق-ەپيدەميولوگيالىق قاداعالاۋ ءبولىمىنىڭ باسشىلارى ەلگە كىرەبەرىستەگى شەكتەۋ شارالارىنىڭ قاتاڭ ورىندالۋىن قامتاماسىز ەتۋگە ءتيىس.

سونىمەن قاتار، قازاقستان رەسپۋبليكاسىنىڭ اۋماعى ارقىلى ەكىجاقتى جانە ترانزيتتىك تاسىمالداردا حالىقارالىق جۇك تاسىمالىمەن اينالىساتىن جۇرگىزۋشىلەرگە ارنالعان نۇسقاۋلىق بەكىتىلەدى.

ال پوليتسيا وسى نۇسقاۋلىقتىڭ ورىندالۋىنا مونيتورينگ جۇرگىزەدى.

جاڭاجول، بيدايىق، قاراقوعا اۆتوبەكەتتەرىندە سانيتاريالىق كارانتين پۋنكتىلەرىندە تاماقتانۋعا جانە دەمالۋعا ارنالعان تۇراق ورىندارى بەكىتىلەدى.

اۋدانداردىڭ جانە پەتروپاۆل قالاسىنىڭ اكىمدەرى، اۋماقتىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارمالارىنىڭ باسشىلارى تاماقتانۋ جانە دەمالۋ تۇراق ورىندارىندا وبەكتىلەردىڭ جۇمىس الگوريتمىنىڭ ساقتالۋىن باقىلايدى.

ايتا كەتەيىك، جاڭا قاۋلى 27- قازان ساعات 00:00 دەن باستاپ كۇشىنە ەنەدى.


سوڭعى جاڭالىقتار