اقتوبەدە ونەرلى مەملەكەتتىك قىزمەتشى انىقتالدى

None
None
اقتوبە. قازاقپارات - اباي قۇنانباي ۇلىنىڭ تۋعانىنا 175 جىل تولۋىنا وراي بايقاۋ ۇيىمداستىرىلىپ، ونەرلى مەملەكەتتىك قىزمەتشى انىقتالدى، دەپ حابارلايدى قازاقپارات ءتىلشىسى.

اقتوبە وبلىستىق مەملەكەتتىك قىزمەت ىستەرى دەپارتامەنتى مەن مادەنيەت، ارحيۆتەر جانە قۇجاتتاما باسقارماسى بايقاۋ وتكىزدى. بايقاۋدىڭ نەگىزگى ماقساتى - مەملەكەتتىك قىزمەتشىلەردىڭ مورالدىق - ەتيكالىق قۇندىلىقتارىن جانە مەملەكەتتىك قىزمەتتىڭ بەدەلىن ارتتىرۋ، شىعارماشىلىق قابىلەتتەرىن دامىتۋ. بايقاۋعا بارلىعى 29 مەملەكەتتىك قىزمەتشى قاتىستى. شارتقا سايكەس قاتىسۋشىلار ابايدىڭ كەز كەلگەن تۋىندىسىن مانەرلەپ ورىنداۋى قاجەت بولدى. باعالاۋ 2 كەزەڭ بويىنشا ءوتتى.

ولار: ونلاين داۋىس بەرۋ جانە مادەنيەت سالاسىنداعى ساراپشىلار باعالاۋى. ونلاين داۋىس بەرۋ بارىسىندا قاتىسۋشىلاردىڭ جۇمىستارى 2000 عا جۋىق لايك جانە 3000 نان استام قارالىم جينادى. بايقاۋ قاتىسۋشىلارىنىڭ جۇمىستى كوميسسيا مۇشەلەرى قاشىقتان باعالادى. ونىڭ قۇرامىنا ق ر ەڭبەك سىڭىرگەن مادەنيەت قايراتكەرى، مادەنيەت سالاسىنداعى ارداگەرلەر كەڭەسىنىڭ ءتوراعاسى نۇرلىبەك قالاۋوۆ، ق ر ەڭبەك سىڭىرگەن مادەنيەت قايراتكەرى ەركىن قۇرمانبەكوۆ، كلاسسيكالىق مۋزىكا ءانسامبلىنىڭ كوركەمدىك جەتەكشىسى، ق ر ەڭبەك سىڭىرگەن قايراتكەرى مارات ءايتىموۆ، تاحاۋي احتانوۆ اتىنداعى اقتوبە وبلىستىق دراما تەاترىنىڭ رەجيسسەرى، حالىقارالىق، رەسپۋبليكالىق فەستيۆالدەردىڭ لاۋرەاتى مەيرام حابيبۋللين بار. ىرىكتەۋ بارىسىندا ءار قاتىسۋشىنىڭ شىعارماشىلىق كوزقاراسى بايقالدى.

«بايقاۋ قورىتىندىسى بويىنشا ءبىرىنشى ورىن بايعانين اۋداندىق مادەنيەت جانە تىلدەردى دامىتۋ ءبولىمىنىڭ باسشىسى، ابايدىڭ قارا سوزدەرى مەن «جەلسىز تۇندە جارىق اي» ءانىن ورىنداعان ءنۇرادىل قولداسبايەۆقا بەرىلدى.

ەكىنشى ورىندى «سەگىز اياق» ءانىن دومبىرامەن ورىنداعان ق ر سىبايلاس جەمقورلىققا قارسى ءىس- قيمىل اگەنتتىگىنىڭ اقتوبە وبلىسى بويىنشا دەپارتامەنتىنىڭ باس مامانى ماقسات ابەكەنوۆ يەلەندى.

ءۇشىنشى ورىندى اقتوبە وبلىسى تىلدەردى دامىتۋ باسقارماسىنىڭ باس مامانى ماليكا سەرىك قىزى «بىلىمدىدەن شىققان ءسوز» ءانىن ورىنداپ، جەڭىمپاز اتاندى.


«دومبىرامەن ءان شىرقادىم. «سەگىز اياق» انىندە ادالدىق تۋرالى ايتىلعان سوڭ وسى تۋىندىسىن تىڭدادىم. بۇل كونكۋرس ءبىزدىڭ شىعارماشىلىعىمىزدى دامىتۋعا سەپتىگىن تيگىزدى»، - دەدى ماقسات ابەكەنوۆ.

سوڭعى جاڭالىقتار