+7 (701) 759 90 19
-9 °С : نۇر-سۇلتان
-1 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

تارازدىق دارىگەرلەر ەندوپروتەز قويۋدىڭ جاڭا ءتۇرىن ويلاپ تاپتى

23 قازان 22:04
:ءبولىسۋ
تارازدىق دارىگەرلەر ەندوپروتەز قويۋدىڭ جاڭا ءتۇرىن ويلاپ تاپتى

تاراز. قازاقپارات - تارازدىق دارىگەرلەر ەندوپروتەز قويۋدىڭ جاڭا ءتۇرىن ويلاپ تاپتى،- دەپ حابارلايدى قازاقپارات ءتىلشىسى.

جامبىل وبلىسى اكىمدىگى دەنساۋلىق ساقتاۋ باسقارماسىنىڭ باسپا ءسوز قىزمەتى تاراز قالاسىنىڭ 35 جاستاعى تۇرعىنىنا ەندوپروتەزگە ينفەكتسيا تۇسپەس ءۇشىن سەمەنت پەن انتيبيوتيكتى قوسىپ ارالاستىرىپ سالىندى. اتالمىش تاسىلمەن تەك جاساندى بۋىندى الماستىرىپ قانا قويماي، وندا جيناقتالعان ميكروبتاردى دا جويۋعا مۇمكىندىك بار. سونداي- اق، جاساندى بۋىندى قويعاننان كەيىن قۇلاۋ، توڭازۋ جانە ورتوپەديالىق رەجيمدى بۇزۋ سالدارىنان ناۋقاستارعا قايتا وتا جاساعان جاعدايلارى كوپ كەزدەسەتىندىكتەن، بۇل ءادىس - ءتيىمدى بولىپ سانالادى ەكەن.

ايتا كەتەيىك، وسىدان بىرنەشە جىل بۇرىن تەپسە تەمىر ۇزەتىن تاراز قالاسىنىڭ 35 جاستاعى تۇرعىنى اۆتوكولىك اپاتىنا ءتۇسىپ، اياق استىنان مۇگەدەكتەر ارباسىنا تاڭىلامىن دەپ ويلاعان دا ەمەس. باستاپقىدا ەشقانداي اۋرۋدى سەزبەي، ودان بولاتىن قاۋىپ- قاتەردى دە ويلاماي، ۋاقىت سوزدىرىپ العان ن. ەسىمدى ازامات كەيىننەن اياعىنىڭ اۋىرسىنۋى كۇشەيىپ، ءبىر جىلدان كەيىن مۇلدەم جۇرە الماي، ءبىر جارىم جىلداي ۇيىندە قوزعالىسسىز جاتىپ قالادى. تەك وسىدان كەيىن عانا اۋرۋحاناعا كەلگەن وعان قاتارىنان 3 رەت وتا جاسالىپ، ءبىر اياعىنا ەندوپروتەز قويىلادى.

قوزعالىسسىز جاتا بەرگەندىكتەن، سالماعى دا ارتىپ، قيمىلداۋى قيىنعا سوققان ونىڭ اعزاسىنا دا ينفەكتسيا تۇسكەن. سودان تاراز قالالىق كوپ بەيىندى اۋرۋحاناسىنىڭ جاراقات بولىمشەسىنىڭ دارىگەر تراۆماتولوگى داۋرەن يدەيەۆتىڭ ۇزاق جىلدىق تاجىريبەدەن كەيىن قولدانىپ كەلە جاتقان جاڭا ءادىسىنىڭ ارقاسىندا ەندوپروتەزگە ينفەكتسيا تۇسپەس ءۇشىن تسەمەنت پەن انتيبيوتيكتى قوسىپ ارالاستىرىپ سالۋ تۋرالى شەشىم قابىلدانعان. بۇگىندە ناۋقاس قينالعان اۋىر دا ازاپتى كۇندەرى ارتتا قالىپ، ءوزىن ومىرگە جاڭا كەلگەندەي سەزىنۋدە. جاقىندا ونىڭ ەكىنشى اياعىنا دا ەندوپروتەز قويىلماقشى. بۇگىندە مۇگەدەكتىك ارباسىنان ءتۇسىپ، ءوز اياعىمەن اۋرۋحاناعا كەلىپ، كورىنىپ ءجۇر.

«ەندوپروتەزدى الماتى قالاسىنان ارانايى تاپسىرىسپەن العىزامىز. ادام تانىنە مەيلىنشە ۇقسايتىن ماتەريالداردان دايىندالعان جاساندى بۋىن سۇيەك سەمەنتىمەن بەكىتىلەدى. سونداي- اق، جاساندى بۋىن ادامنىڭ سۇيەك تىنىنە، تىزەنىڭ اناتوميالىق ەرەكشەلىكتەرىنە قاراي دايىندالادى. ءبىز وسى پروتەزدى ناۋقاسقا تەك سالىپ قانا قويماي، وعان انتيبوتيك قوسۋ ارقىلى - بىردەن ەكى ءتۇرلى ناتيجەگەگە قول جەتكىزىپ وتىرمىز»، - دەيدى داۋرەن يدەيەۆ.

اتاپ ءوتۋ كەرەك، ەندوپروتەزدەۋ دەگەنىمىز - ادامنىڭ توزعان شەمىرشەگىنە بولماسا زاقىمدانعان بۋىندارى مەن سىنعان سۇيەكتەرگە جاسالاتىن وتا. ول پوليەتيلەندى جاپسىرمامەن نە تەمىرمەن الماستىرىلادى. كومپيۋتەرلىك توموگرافيا جانە مرت نەگىزىندە ناۋقاستىڭ اناتوميالىق ەرەكشەلىكتەرى تالدانىپ، ونداعان جىلدارعا جارايتىن جارامدى پروتەز قويىلادى. جاساندى بۋىن جوعارى ساپالى مەديتسينالىق قورىتپادان تۇرادى. ەندوپروتەزدەۋ - زاقىمدانعان بۋىندى الماستىرۋ پروتسەسىنىڭ ءبىر بولىگى عانا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات