قازاقستاننىڭ ءبىرىنشى راكەتكاسى ەلەنا رىباكينا اۋسترياداعى لينتس تۋرنيرىنە قاتىسادى

None
None
نۇر- سۇلتان. قازاقپارات - قازاقستاننىڭ ءبىرىنشى، الەمنىڭ 19-راكەتكاسى ەلەنا رىباكينا اۋسترياداعى لينتس WTA تۋرنيرىنە قاتىسادى، دەپ حابارلايدى قازاقپارات ءتىلشىسى.

جارىستىڭ تۆيتتەردەگى پاراقشاسىندا وعان قاتىسۋشىلاردىڭ ءتىزىمى جاريالاندى. ولاردىڭ ىشىندە ە. رىباكينامەن قاتار بەلارۋس وكىلى ارينا سوبولەنكو، چەحيالىق ماركەتا ۆوندروۋشوۆا، بەلگيالىق ەليسە مەرتەنس، ەستونيالىق انەتت كونتاۆەيت، امەريكالىق دجەننيفەر برەيدي، ۋكراينالىق دايانا ياسترەمسكايا، رەسەيلىك ەكاتەرينا الەكساندروۆا جانە باسقا تەننيسشىلەر بار.

بيىل اتالمىش دودا 11-18-قازان ارالىعىندا ءوتۋى ءتيىس ەدى. ايتسە دە كوروناۆيرۋس ىندەتىنە بايلانىستى 7-15-قاراشاعا قالدىرىلدى. وتكەن جىلى فينالدا لاتۆيالىق ەلەنا وستاپەنكونى 6:3، 1:6، 6:2 ەسەبىمەن جەڭگەن امەريكالىق كوري گاۋفف چەمپيون اتانعان بولاتىن. ەسكە سالا كەتەيىك، بۇدان بۇرىن ەلەنا رىباكينانىڭ چەحياداعى تۋرنيردە ۇتىلىپ قالعانىن، دميتري پوپكونىڭ ىستانبۇل دوداسىنىڭ شيرەك فينالىنا شىققانىن جازعان بولاتىنبىز. بۇگىن د. پوپكو بەلارۋس تەننيسشىسى يليا يۆاشكودان 4:6, 0:6 ەسەبىمەن ۇتىلىپ، جارتىلاي فينالعا شىعا الماي قالدى. سول سەكىلدى قازاقستاندىقتار گوزال اينيتدينوۆا مەن جىبەك قۇلامبايەۆا جۇپتىق سىندا مىسىردىڭ شارم ءال- شەيح قالاسىندا ITF تۋرنيرىندە ءبىرشاما ءساتتى ونەر كورسەتتى. ءتىپتى جارىستىڭ 1-راكەتكالارى، رەسەيلىكتەر اناستاسيا گاسانوۆا مەن اننا مورگينانى 6:0، 6:0 ەسەبىمەن ويسىراتا ۇتىپ، جارتىلاي فينالعا شىقتى. الايدا بۇگىن رەسەيلىكتەر ۆەرونيكا پەپەليايەۆا مەن اناستاسيا تيحونوۆامەن تارتىستى ماتچتا 6:3, 3:6, 8:10 ەسەبىمەن جول بەرىپ، فينالدىق باسەكەدەن تىس قالدى.

سوڭعى جاڭالىقتار