«ەلىم- اي» - قازاقستاننىڭ ۇزدىك تابيعات قورعاۋشىلارى ماراپاتتالدى

نۇر- سۇلتان. قازاقپارات - ەلوردادا ورمان شارۋاشىلىعى مەن جانۋارلار دۇنيەسىن ساقتاۋ سالاسىنداعى «ەلىم- اي» سىيلىعىنىڭ جەڭىمپازدارى ماراپاتتالدى، دەپ حابارلايدى قازاقپارات ءتىلشىسى.

جيىندا ەلىمىزدىڭ ۇزدىك ينسپەكتورلارى، ورمانشىلارى جانە ەكوبەلسەندىلەر 16 اتالىم بويىنشا ماراپاتتالدى. سالتاناتتى راسىمگە مينيسترلەر، دەپۋتاتتار، وليمپيادا چەمپيوندارى جانە قازاقستاننىڭ بەلگىلى قوعام قايراتكەرلەرى قاتىستى.

«جانۋارلار الەمى مەن ورمان شارۋاشىلىعى سالاسىنداعى ماماندار قيىندىق پەن تاۋەكەلگە تولى قىزمەت اتقارادى. ءومىرىن بايگەگە تىگىپ، تابيعات پەن جان- جانۋارلاردى كۇن- ءتۇن دەمەي كۇزەتىپ جۇرەدى. وتكەن جىلى قىزىل كىتاپقا ەنگەن اقبوكەندەردى قورعاۋ جولىندا قورىقشىلارىمىز - ەرلان نۇرعاليەۆ پەن قانىش نۇرتازينوۆتىڭ براكونەرلەر قولىنان قازا تاپقانىن ەشكىم ۇمىتقان جوق. پرەزيدەنتىمىز قاسىم- جومارت توقايەۆ مەملەكەتتىك ينسپەكتورلاردىڭ مارتەبەسىن كوتەرىپ، قولداۋدى كۇشەيتۋدى تاپسىردى. براكونەرلىك ءۇشىن جازا قاتايدى. بۇگىنگى شارا - وسىناۋ يگى جولدا قۇربان بولعان، ءوز ىسىنە شىن بەرىلگەن ازاماتتاردىڭ ەڭبەگىن ەسكەرۋدىڭ ءبىر عانا كورىنىسى» ، - دەدى ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ جيىننىڭ اشىلۋىندا.

ونىڭ ايتۋىنشا، «ەلىم- اي» ماراپاتىن جىل سايىن ءداستۇرلى تۇردە وتكىزۋ جوسپارلانىپ وتىر. بايقاۋ ناتيجەسىندە «جانۋارلار دۇنيەسىن قورعاۋ جونىندەگى ۇزدىك ينسپەكتور» اتالىمىندا «وحوتزووپروم» ورتالىق ايماقتىق بولىمشەسىنىڭ ينسپەكتورى مۇرات اليەۆ ماراپاتتالدى.

«براكونەرلەرمەن كۇرەستەگى ۇزدىك ەرلىگى ءۇشىن» نوميناتسياسى بويىنشا «وحوتزووپروم» اقمولا وبلىسىنداعى فيليالىنىڭ ينسپەكتورى دوستاي نۇربەكوۆ ماراپاتتالدى. ول 2016 -جىلى براكونەرلەرمەن شايقاستا جاراقات العان. ورمان شارۋاشىلىعى سالاسىندا 30 جىلدان استام ۋاقىت جۇمىس ىستەگەن ەركىن قابدىعاليەۆ (شىعىس قازاقستان وبلىسىنىڭ «سامار ورمان شارۋاشىلىعىنىڭ» ديرەكتورى) «ەلدىڭ ۇزدىك ورمانشىسى» اتاندى.

«ورمان شارۋاشىلىعىن دامىتۋداعى ءوز ىسىنە ادالدىعى ءۇشىن» «سەمەي ورمانى «م و ت ر» ر م م سەمەي فيليالىنداعى باتپايەۆ ورمانشىلىعىنىڭ باسشىسى الەكساندر ترۋشين ماراپاتتالدى. ونىڭ ەڭبەگىنىڭ ارقاسىندا ورمانشىلىقتا بىردە- ءبىر ءىرى ءورت بولماعان.

«ورمان شارۋاشىلىعىنىڭ ەڭبەك سىڭىرگەن ارداگەرى» نوميناتسياسى «كولساي كولدەرى» ۇلتتىق پاركىنىڭ باسشىسى، ورمان شارۋاشىلىعىنىڭ ارداگەرى حاميت احمەتوۆكە بەرىلدى. ح. احمەتوۆ - بيولوگيا عىلىمدارىنىڭ كانديداتى جانە 30 عا جۋىق عىلىمي ماقالانىڭ اۆتورى.

«ۇزدىك بالىق ءوسىرۋشى» اتالىمىندا بالىق شارۋاشىلىعىنىڭ باسشىسى، يحتيولوگ مارلەن ءتۇرسىنالى، ال «ۇزدىك بالىق ءتالىمباعى» رەتىندە قاراعاندى وبلىسىنىڭ «قاراعاندى بالىق ءتالىمباعى» ج ش س (ديرەكتورى دەنيس مۋشتاكوۆ) ەڭ ءىرى بالىق شارۋاشىلىعى وزىپ شىقتى.

ىلە- الاتاۋ ۇلتتىق پاركى «ۇزدىك ۇلتتىق تابيعي پارك»، ال بارساكەلمەس قورىعى - «ۇزدىك قورىق» بولىپ تانىلدى.

«ەكوتۋريزمدى ىلگەرىلەتۋ بويىنشا ۇزدىك جوبا» نوميناتسياسى Kazakh Tourism ۇلتتىق كومپانياسىنىڭ باسقارما ءتوراعاسى ەرجان ەركىنبايەۆقا بەرىلدى.

«ەكولوگيالىق مادەنيەتتى دامىتۋعا جانە تابيعاتتاعى ادام قاۋىپسىزدىگىن ارتتىرۋعا قوسقان ۇلەسى» ءۇشىن «تامىر» جابايى تابيعات مەكتەبى جوباسى ماراپات الدى.

قازاقستانداعى يتبالىقتاردىڭ قورعاۋشىسى، گيدروبيولوگيا جانە ەكولوگيا ينستيتۋتىنىڭ عىلىمي قىزمەتكەرى اسەل بايمۇقانوۆا «ەكولوگيالىق اعارتۋ مامانى» نوميناتسياسىندا ۇزدىك اتاندى.

«ەرىك- جىگەرى مەن مۇراسى ءۇشىن» نوميناتسياسىندا الەكساندر كارپوۆيچتىڭ (قايتىس بولعاننان كەيىن) ەڭبەگى ايرىقشا اتالدى. الەكساندر نيكولايەۆيچ ەكى قولىنان ايىرىلعان قايعىلى وقيعاعا قاراماستان اقمولا وبلىسىندا 12 مىڭ اعاش وتىرعىزىپ كەتكەن. ماراپات الەكساندر نيكولايەۆيچتىڭ ۇلىنا بەرىلدى.

«ولكە تانۋعا قوسقان ۇلەسى ءۇشىن» نوميناتسياسىندا باياناۋىل ۇلتتىق پاركىنىڭ ينسپەكتورى التىنبەك قۇرمانوۆ جەڭىمپاز اتاندى.

«جابايى جانۋارلارعا قامقورلىق جاساعانى ءۇشىن» - سايرام- وگەم ۇلتتىق پاركىنىڭ بيولوگى نۇرجان اقىلبايەۆ ماراپاتتالدى. جانۋارلاردى قورعاۋ قاۋىمداستىعىنىڭ پرەزيدەنتى ليليا سارسەنوۆا ء«ۇي جانۋارلارىن قورعاعانى ءۇشىن» نوميناتسياسىن جەڭىپ الدى.

ليليا سارسەنوۆا جانۋارلارعا ارنالعان جەكە ءۇيدىڭ نەگىزىن قالاعان، «جانۋارلارعا جاۋاپكەرشىلىكپەن قاراۋ تۋرالى» زاڭ جوباسىن ازىرلەۋگە قاتىسىپ جاتىر.