قازاقستاندا سۋديالار قانشا جالاقى الادى

نۇر- سۇلتان. قازاقپارات – ق ر جوعارعى سوتىنىڭ باسپا ءسوز حاتشىسى ايدوس ءسادۋاقاسوۆ اۋداندىق، وبلىستىق جانە جوعارعى سوت سۋديالارى قانشا جالاقى الاتىندىعىن ايتتى، دەپ حابارلايدى قازاقپارات ءتىلشىسى.

«قازاقستاندا اۋداندىق، وبلىستىق جانە جوعارعى سوتتى قوسا العاندا 2684 سۋديالىق بىرلىك قاراستىرىلعان. ءبىراق، قازىرگى تاڭدا 2400- ءى ناقتى جۇمىس ىستەيدى. 14 پايىز بوس ورىن بار»، - دەدى ول بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

سونىمەن قاتار ول اۋداندىق جانە وبلىستىق سۋديالاردىڭ جالاقىلارى قانشا ەكەندىگىن دە اتاپ ءوتتى.

«جالاقىلارىنا قاتىستى ەشقانداي قۇپيا جوق. جالپى، ەڭبەكاقى اۋداندىق دەڭگەيدەگى سۋديالاردا ورتاشا ەسەپپەن العاندا 400-500 مىڭ تەڭگەنىڭ توڭىرەگىندە. ول - جۇمىس وتىلىنە بايلانىستى. ال وبلىستىق دەڭگەيدە - 600-700 مىڭ، جوعارعى سوتتا 800-900 مىڭ تەڭگەنىڭ توڭىرەگىندە بولىپ وتىر. سۋديالاردىڭ ەڭبەك وتىلىنە بايلانىستى جالاقىلارىندا ايىرماشىلىق بولۋى مۇمكىن»، - دەدى ايدوس ءسادۋاقاسوۆ.

اۆتور: مارلان جيەمباي