+7 (701) 759 90 19
-23 °С : نۇر-سۇلتان
-2 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

مينيستر ايدا بالايەۆا: جۋرناليستەرگە العىس ايتۋدان شارشامايمىن

23 قازان 14:38
:ءبولىسۋ
مينيستر ايدا بالايەۆا: جۋرناليستەرگە العىس ايتۋدان شارشامايمىن

نۇر-سۇلتان. قازاقپارات - اقپارات جانە قوعامدىق دامۋ ءمينيسترى ايدا بالايەۆا جۋرناليستەرگە العىس ايتتى، دەپ حابارلايدى قازاقپارات ءتىلشىسى.

«مەن شىنىندا دا كاسىبيلىك تانىتا بىلگەن جۋرناليستەرگە العىس ايتۋدان شارشامايمىن. ولار ءوز ومىرلەرىن دە قاۋىپكە تىگە وتىرىپ، ەلىمىزدىڭ ەڭ كۇردەلى كەزەڭدەرىنە قاتىستى اقپارات بەرىپ وتىردى. ەلدە توتەنشە جاعداي جاريالانعان كەزدە مەملەكەت قولعا الىپ جاتقان شارالاردى قامتىپ اقپارات بەرىپ، قوعامدا دۇربەلەڭ تۋىپ كەتپەۋىنە اتسالىستى»، - دەدى ايدا بالايەۆا و ك ق- دا وتكەن باسپا ءسوز ءماسليحاتىندا.

مينيستر پاندەميا العاش باستالعان كەزدە ادامدار ۆيرۋستىڭ بارىنا سەنبەگەنىن دە جەتكىزدى.

«سول سەبەپتى ءبىزدىڭ جۋرناليستەر ت ج جاريالانعان العاشقى ۋاقىتتا ادامداردىڭ ۇيىندە وتىرۋى ءۇشىن اقپارات تاراتىپ، كاسىبي بىلىكتىلىكتەرىن تانىتا ءبىلدى. جۋرناليستەردىڭ بارىنە العىس ايتا وتىرىپ، بارلىعىنىڭ دەنساۋلىعى مىقتى بولۋى تىلەيمىن. سەبەبى ۆيرۋس قۇرىپ كەتكەن جوق. بۇگىن دە جۋرناليستەرىمىز باسىن بايگەگە تىگە وتىرىپ، جۇمىس جۇرگىزىپ، حالىققا ەڭ كەرەكتى جانە شىنايى اقپاراتتى جەتكىزۋدە»، - دەدى ول.

ايدا بالايەۆا سونىمەن قاتار ەلدە كوروناۆيرۋس ورشىگەن كەزدە فەيك جاڭالىقتاردىڭ دا ۇلەسى ارتىپ كەتكەنىن ايتتى.

«جۋرناليستەردىڭ ەڭبەگى مەن كاسىبي بىلىكتىلىگىنىڭ ارقاسىندا ءبىزدىڭ ەل فەيك جاڭالىقتارى ەڭ از مەملەكەت رەتىندە رەيتينگتىڭ باس جاعىنان كورىندى. فەيكتەر جالپى قوعامدا دۇربەلەڭ تۋعىزا الارلىق كۇش. ءوز تاراپىمىزدان «ستوپ-فەيك» اتتى رەسۋرس جاسادىق. بۇگىنگى تاڭدا ول وتە ءتيىمدى جۇمىس جۇرگىزۋدە. 100 گە تارتا فەيك جاڭالىقتار انىقتالدى. ەڭ باستىسى ول جاڭالىقتارعا قاتىستى جاۋاپتى مەملەكەتتىك ورگاندار جەدەل جاۋاپ بەرىپ وتىر»، - دەدى ول.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات