+7 (701) 759 90 19
-23 °С : نۇر-سۇلتان
-2 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

مينيستر ماعزۇم مىرزاعاليەۆ قازاقستاندا قانشا قار بارىسى بارىن ايتتى

23 قازان 14:55
:ءبولىسۋ
مينيستر ماعزۇم مىرزاعاليەۆ قازاقستاندا قانشا قار بارىسى بارىن ايتتى

نۇر-سۇلتان. قازاقپارات - قازاقستاندا بۇگىنگى تاڭدا 120-130 قار بارىسى بار.

بۇل تۋرالى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆتىڭ Twitter پاراقشاسىندا جازدى، دەپ حابارلايدى قازاقپارات.

«بۇگىن، ياعني 23-قازان كۇنى حالىقارالىق قار بارىسى كۇنى اتالىپ وتۋدە. قازاقستاندا 120-130 باس ءىلبىس بار دەسەك، ولاردىڭ سانى جىل سايىن ازايىپ كەلەدى. بارىستىڭ فوتوتۇزاققا ءتۇسىپ قالاتىن سيرەك كادرلارى جىرتقىش اڭنىڭ پوپۋلياتسياسىن زەرتتەۋدە وتە باعالى. مۇنداي اتاۋلى كۇن قار بارىسى مەن ونىڭ مەكەن ەتۋ ورتاسىن ساقتاپ قالۋ پروبلەماسىنا قوعام نازارىن كوبىرەك اۋدارۋعا سەپتىگىن تيگىزەتىنىنە سەنەمىن»، - دەپ جازدى مينيستر.

قار بارىسى نەمەسە ءىلبىس ورتالىق ازيانىڭ تاۋلارىندا، سولتۇستىك ءۇندىستان، پاكىستان، بايكال، تيبەت وڭىرلەرىن مەكەندەيتىن مىسىق تۇقىمداس اڭنىڭ ءتۇرى. تۇركى تىلدەس جانە كوشپەندى ەلدەر ءۇشىن، بارىس ۇلتتىق تاڭبا. قازاق حالقى ەجەلدەن بارىستىڭ تەكتىلىگىن، باتىلدىعىن، ايلالىلىعىن ءپىر تۇتقان. ءداستۇرلى جىل ساناۋىمىزدىڭ ءۇشىنشى جىلى بارىس جىلى.

بارىس نۇر-سۇلتان مەن الماتى قالالارىنىڭ ءتولتاڭبالارىندا بەينەلەنگەن. قار بارىسىنىڭ بارلىق جەردە سانى وتە از. تەك باسقا جەردەن قاراعاندا الماتى قورىعىندا جيىرەك كەزدەسەدى. ىلە الاتاۋىندا 30-35، تەرىسكەي الاتاۋىندا 2-3، كەتپەندە - 2-3 بارىس تىرشىلىك ەتەدى.

XX عاسىردىڭ 60-80 -جىلدارى كۇنگەي الاتاۋىندا ونىڭ ىزدەرى ءجيى كەزدەسەتىن. سول جىلدارى جوڭعار الاتاۋىندا 50 بارىس تىرشىلىك ەتتى، ال ساۋىردا ىزدەرى عانا كورىندى. باتىس تيان-شاندا سيرەك، اقسۋ- جاباعىلى قورىعىندا 2-3 بارىس ءومىر سۇرەدى. XX عاسىردىڭ 70-80 -جىلدارى قازاقستاندا بارلىعى 180-200 دەي بارىس بار ەكەندىگى انىقتالدى. ال قازىردە بۇل كورسەتكىش 130 داي عانا. قار بارىسىنىڭ تارالۋ ايماعى تارىلىپ، سانى كەمىپ بارا جاتىر.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات