وڭتۇستىك كورەيا قازاقستانعا كەزەكتى گۋمانيتارلىق كومەك جىبەردى
قازاقستانداعى وڭتۇستىك كورەيا ەلشىلىگىنىڭ مالىمەتىنە سايكەس، 19- قازان كۇنى الماتى قالاسىنا گۋمانيتارلىق كومەك تۇرىندە 38800 تەستىلەۋ جۇرگىزۋگە جەتەتىن وڭتۇستىك كورەيالىق پ ت ر- تەست جيناقتارى جەتكىزىلگەن.
بۇل تەستەر ۇلتتىق ساراپتاما ورتالىعىنىڭ نۇر-سۇلتان، الماتى قالالارىنداعى جانە تۇركىستان، جامبىل، الماتى جانە شىعىس قازاقستان وبلىستارىنداعى فيليالدارىنا جىبەرىلەدى.
«ق ر ۇكىمەتىنىڭ ۋاقىتىلى قابىلداعان شارالارى مەن قازاقستاندىقتاردىڭ وسى شارالاردى ورىنداۋعا كومەگى ارقاسىندا قازاقستان COVID-19 پاندەمياسىنىڭ ءبىرىنشى تولقىنىن ەڭسەرە الدى. قازىرگى ۋاقىتتا ءبىرقاتار ەلدە COVID-19 تارالۋ احۋالى ناشارلاپ جاتقاندا، قازاقستان پاندەميانىڭ ەكىنشى تولقىنىنا ساقتىقپەن دايىندالۋدا. كورەيا رەسپۋبليكاسى ۇكىمەتىنىڭ بۇل گۋمانيتارلىق كومەگى قازاقستاندى COVID-19 پاندەمياسىنىڭ ەكىنشى تولقىنىنا دايىنداۋ پروتسەسىنە ۇلەس قوسادى دەپ ۇمىتتەنەمىن»، - دەدى كورەيا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى كۋ حونگ-سوك.
ءوز سوزىندە ەلشى گۋمانيتارلىق كومەك كورسەتۋدەن باسقا، كورەيا مەن قازاقستاننىڭ پاندەميامەن كۇرەس تاجىريبەسىن الماسۋ، دەنساۋلىق ساقتاۋدىڭ سيفرلىق ينفراقۇرىلىمىن قۇرۋ سالاسىندا جانە وزگە دە باعىتتاردا ىنتىماقتاسىپ وتىرعانىن اتاپ ءوتتى. سونىمەن بىرگە، كۋ حونگ-سوك كورەيا رەسپۋبليكاسىنىڭ ەلشىلىگى تاراپىنان قارتتار ءۇيى، بالالار ءۇيى، مەكتەپتەر مەن باسقا دا مەكەمەلەر ءۇشىن قايتارىمسىز نەگىزدە جەكە قورعانىس قۇرالدارىن بەرۋ اكسيالارى ۇنەمى ءوتىپ تۇراتىنىن حابارلادى.
«ءبىزدى كورەيا رەسپۋبليكاسىمەن ءتۇرلى باعىتتاعى سونىڭ ىشىندە دەنساۋلىق ساقتاۋ سالاسىنداعى بۇرىننان كەلە جاتقان دوستىق-ارىپتەستىك قاتىناستار بايلانىستىرادى. پاندەميانىڭ وسىنداي كۇردەلى كەزەڭىندەگى كورەي ەلىنىڭ قولداۋىن ەرەكشە باعالايمىز جانە وڭتۇستىك كورەيانىڭ جوعارى باسشىلىعىنا COVID-19 قازاقستان رەسپۋبليكاسى اۋماعىندا تارالۋىنا قارسى كۇرەس ءۇشىن كورسەتكەن گۋمانيتارلىق كومەگى ءۇشىن العىس بىلدىرۋگە رۇقسات ەتىڭىز. ءبىزدىڭ ەلدەرىمىز اراسىنداعى دوستىق قارىم-قاتىناستارىمىز جانە ستراتەگيالىق ارىپتەستىگىمىز ءوزارا تۇسىنىستىك نەگىزىندە عانا نىعايىپ، دامي بەرەتىنىنە سەنىمدىمىن»، - دەدى ق ر دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ.
كورەيا رەسپۋبليكاسى ۇكىمەتىنەن كەلگەن گۋمانيتارلىق كومەكتەن بولەك، د د س ۇ جاھاندىق جەتكىزۋ ارناسى (WHO Global supply chain) ارقىلى ساتىپ الىنعان 75 مىڭ ا ق ش دوللارى بولاتىن FFP2 ستاندارتىنداعى قورعانىس ماسكالارى جانە 300 مىڭ ا ق ش دوللارى سوماسىنداعى مەديتسينالىق جابدىقتار تۇرىندە گۋمانيتارلىق كومەكتىڭ كەلەسى پارتيالارى جەتكىزىلەدى.