قازاقستاندا ازىق- تۇلىك تاپشىلىعى بولمايدى

نۇر- سۇلتان. قازاقپارات - قازاقستاندا ازىق- تۇلىك تاۋارلارىنىڭ ءوندىرىسى توقتامايدى جانە ەش تاپشىلىق بولمايدى.

بۇل تۋرالى ق ر ا ش م اگرارلىق ازىق- تۇلىك نارىقتارى، ورگانيكالىق ءونىم جانە تەحنيكالىق رەتتەۋ دەپارتامەنتى ديرەكتورىنىڭ مىندەتىن اتقارۋشى ساۋلە جۇرىنوۆا ايتىپ بەردى، دەپ حابارلايدى قازاقپارات ءتىلشىسى.

«قازىرگى ۋاقىتتا ا ش م الەۋمەتتىك ماڭىزى بار 32 ازىق- تۇلىك تاۋارلارى بويىنشا وڭىرلەردىڭ قامتاماسىز ەتىلۋىنە مونيتورينگ جۇرۋدە. بۇل مونيتورينگ ءار اپتا سايىن تۇراقتاندىرۋ قورلارىندا، ءىرى ساۋدا جۇيەلەرىندە، جەتكىزۋشىلەردىڭ جانە قايتا وڭدەۋ كاسىپورىندارىنىڭ قويمالارىنداعى قورلاردى ەسكەرەدى. وڭىرلەردىڭ جەدەل دەرەكتەرى بويىنشا، بيىلعى 16-قازاندا رەسپۋبليكادا 1,9 ميلليون ازىق- تۇلىك تاۋارلارىنىڭ قورى بار. ونىڭ ىشىندە تۇراقتاندىرۋ قورلارىندا - 25,3 مىڭ توننا، ءوندىرۋشى كاسىپورىنداردا - 1,6 ميلليون توننا، قويمالاردا - 137 مىڭ توننا، ساۋدا جەرلەرىندە - 172 مىڭ توننا، بۇدان باسقا 813,2 ميلليون دانا جۇمىرتقا جانە 10,9 ميلليون توننا ازىق- تۇلىك بيدايى بار»، - دەدى سپيكەر ورتالىق كوممۋنيكاتسيالار قىزمەتىندە «كۆي جاعدايىندا ازىق- تۇلىك ونىمدەرىنىڭ باعاسىن رەتتەۋ جانە ازىق- تۇلىك قاۋىپسىزدىگىن قامتاماسىز ەتۋ تۋرالى» باسپا ءسوز ءماسليحاتىندا.

قولدا بار ءونىم قورلارى تەز بۇزىلاتىن ونىمدەر بويىنشا ءبىر اپتاعا، باسقالارى بويىنشا - بىرنەشە ايعا جەتەتىنىن كورسەتەدى.

«ازىق- تۇلىك تاۋارلارىنىڭ ءوندىرىسى توقتامايدى جانە قورلار ۇنەمى جاڭارتىلىپ، تولىقتىرىلىپ وتىرادى. سوندىقتان، ولار بويىنشا تاپشىلىق جوق جانە كۇتىلمەيدى. قازىرگى ۋاقىتتا ءداندى جانە ءداندى- بۇرشاق داقىلدارىن جيناۋ 99,8 پايىزعا اياقتالدى. جينالماعان ازداعان جۇگەرى مەن كۇرىش القاپتارى عانا بار. وسى كۇندەرى 20,5 توننا استىق باستىرىلدى. جينالعان ءداندى جانە ءداندى- بۇرشاق داقىلدارىنىڭ كولەمى ەلىمىزدىڭ ىشكى قاجەتتىلىگىن تولىق قامتۋعا جانە 7,8 ميلليون توننا استىقتىڭ ەكسپورتتىڭ الەۋمەتىن ىسكە اسىرۋعا جەتكىلىكتى»، - دەدى ساۋلە جۇرىنوۆا.

بۇعان دەيىن باسپا ءسوز ءماسليحاتىندا ەلوردادا ازىق- تۇلىك باعاسىنىڭ قالاي رەتتەلەتىنى ءتۇسىندىرىلدى.