«اعاشكالار ەكونوميكاسىنىڭ» داۋرەنى ءوتتى - ۇلتتىق كەڭەس مۇشەسى
«تابيعاتتا ادامزات ءۇش توپقا بولىنەدى. جاس بۋىن، ورتا بۋىن، سوسىن كارى بۋىن. وسى بۋىننىڭ پروپورتسياسى، تەپە- تەڭدىگى بولماسا، قوعامنىڭ شاپشاڭ دامۋى بولمايدى، ەكونوميكالىق ءوسۋ قارقىنى جوعارى بولمايدى جانە باسقا الەۋمەتتىك باستامالار قولداۋ تاپپايدى. سوندىقتان، بۇگىنگى وتىرىستا پرەزيدەنتتىڭ وسى ماسەلەگە ەرەكشە توقتالعانى وتە قۋانتادى. سەبەبى، وسى كۇنگە دەيىن بىزدە بۇكىل ءماسليحات بويىنشا جاستاردىڭ سانى 60 اق ادام ەكەنىن ايتتى»، - دەدى ق. ارىستانبەكوۆ ەلوردادا تىلشىلەرگە بەرگەن سۇحباتىندا.
سونىمەن بىرگە ساراپشى «اعاشكالار ەكونوميكاسى» تومەندەپ، جاستاردىڭ مۇددەسى الدىڭعى قاتارعا قويىلاتىنىن ايتتى.
«جاستار اراسىندا «اعاشكالار ەكونوميكاسى» دەگەن ۇعىم بار. ول دەگەنىمىز - جەرگىلىكتى ءماسليحات بويىنشا كارى بۋىن باسقارىپ، وزدەرى بيۋدجەتتى ءبولىپ، ساياسات جۇرگىزىپ كەلدى. ەندى پرەزيدەنت نەنى ايتىپ وتىر، كارى بۋىنعا قوسا، ورتا بۋىندى، سوسىن جاس بۋىندى قوسۋ كەرەك. سوندا جوعارىدا ايتقان تەپە- تەڭدىك ساقتالادى. بۇل، باسقا الەۋمەتتىك توپتاردىڭ مۇددەسىن شەكتەۋ ەمەس، بۇرىن ەسكەرىلمەي قالعان جاستاردىڭ مۇددەسى الدىڭعى قاتارعا قويىلادى دەپ ويلايمىن. بۇل ۇلتتىق مۇددەمىزگە سايكەس كەلەدى دەپ ويلايمىن.
ايتا كەتەيىك، بۇگىن ۇلتتىق قوعامدىق سەنىم كەڭەسىنىڭ ءتورتىنشى وتىرىسى ءوتتى. جيىندا پرەزيدەنت ءماسليحات دەپۋتاتتارى كورپۋسىندا جاستاردىڭ ۇلەسى 2 پايىز عانا ەكەنىن ايتقان ەدى. ەسكە سالايىق، 2021 -جىلدىڭ 10-قاڭتارىندا قازاقستاندا ماجىلىسكە جانە ءماسليحاتتارعا دەپۋتاتتاردى سايلاۋ وتەدى.