شەتسىز قالا: الماتىنىڭ ەڭ جاس اۋدانى قالاي وزگەرىپ جاتىر؟

None
None
الماتى. قازاقپارات - الماتىدا 22-قازاندا الماتى قالاسى وڭىرلىك كوممۋنيكاتسيالار قىزمەتىنىڭ ۇيىمداستىرۋىمەن الاتاۋ اۋدانىندا اۋدان اكىمى ازامات قالدىبەكوۆتىڭ قاتىسۋىمەن باسپا ءسوز تۋرى جانە باسپا ءسوز كونفەرەنتسياسى ءوتتى، دەپ حابارلايدى قازاقپارات ءتىلشىسى.

مەملەكەت باسشىسى قاسىم- جومارت توقايەۆ ءوزىنىڭ «جاڭا جاعدايداعى قازاقستان: ءىس- قيمىل كەزەڭى» جولداۋىندا تەڭدەستىرىلگەن اۋماقتىق دامۋ تۋرالى ايتقان بولاتىن. الماتى قالاسىنىڭ اكىمى باقىتجان ساعىنتايەۆتىڭ الماتىنى دامىتۋ ستراتەگياسى اياسىندا «شەتسىز قالا» قاعيداسىنا ەرەكشە كوڭىل بولەتىنى بەلگىلى، ونىڭ ماقساتى - جاتىن اۋدانداردى دامىتۋ، مەگاپوليستىڭ بارلىق اۋداندارىندا تۇرعىلىقتى جەرىنە قاراماستان حالىقتىڭ جوعارى ءومىر ءسۇرۋ ستاندارتتارىن قامتاماسىز ەتۋ. الاتاۋ اۋدانىندا بۇرىننان تۇرعىندار تاراپىنان بىرنەشە رەت كوتەرىلىپ كەلە جاتقان جوبالار جۇزەگە اسىرىلىپ، ماسەلەلەر شەشىلىپ كەلەدى.

الدىمەن باسپا ءسوز تۋرى بارىسىندا تىلشىلەرگە «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ اياسىندا اشىلعان الاتاۋ اۋدانى اكىمى اپپاراتىنىڭ عيماراتىنداعى «اشىق اكىمدىك» فرونت- وفيسى كورسەتىلدى. جوبانىڭ باستى ماقساتى - مەملەكەتتىك ورگانداردىڭ ازاماتتار ءۇشىن قولجەتىمدىلىگىن ارتتىرۋ، كەدەرگىسىز ورتا قالىپتاستىرۋ، حالىققا «ءبىر تەرەزە» قاعيداتى بويىنشا قىزمەت كورسەتۋ.

«مۇندا 4 ءبولىم بار- اباتتاندىرۋ، تۇرعىن ءۇي- كوممۋنالدىق شارۋاشىلىق، كاسىپكەرلىك جانە الەۋمەتتىك سالا. سونىمەن قاتار، اۋدان اكىمدىگىنىڭ قۇزىرەتىنە كىرمەيتىن ماسەلەلەر دە بار. بۇل جەر قاتىناستارى، ساۋلەت جانە باسقا قالالىق باسقارمالارعا قاتىستى ماسەلەلەر. وسىعان بايلانىستى ءبىز وسى مامانداردىڭ جۇمىسىن ۇيىمداستىرىپ جاتىرمىز. ولار اپتاسىنا ەكى رەت قالا تۇرعىندارىن قابىلدايدى. اۋداندىق كەڭسە دە وسىندا ورنالاسقان، سۇراقتاردى جيناپ، ءتيىستى باسقارماعا جىبەرەدى» ، - دەدى اۋدان اكىمى ازامات قالدىبەكوۆ.

ودان كەيىن تىلشىلەر «الاتاۋ انالارى» قورىنىڭ ۇلگىسىندە حالىقتىڭ الەۋمەتتىك تۇرعىدان از قامتىلعان توپتارىنا كومەك كورسەتەتىن قوعامدىق قورلاردىڭ قىزمەتى تانىستىرىلدى. قوردا تىگىنشى، ۆيزاجيست، شاشتاراز، كىرپىك ۇزارتۋ مامانى بولىپ 12 انا جۇمىس ىستەيدى. قور سونىمەن قاتار ايەلدەر مەن بالالاردى تىگىن ىسىنە، كوسمەتولوگياعا، بيگە، مۋزىكالىق اسپاپتارعا ۇيرەتۋگە مۇمكىندىك بەرەدى. وسى ورتالىقتا بارلىعى 2500 دەن استام ادام وقىتىلدى. سونىمەن قاتار، «جۇمىسپەن قامتۋ جول كارتاسى» مەملەكەتتىك باعدارلاماسى اياسىندا جۇزەگە اسىرىلىپ جاتقان اقبۇلاق شاعىن اۋدانىنداعى سكۆەردىڭ جوندەۋدەن كەيىنگى كەلبەتى تانىستىرىلدى. ساياباقتا بالالار مەن سپورت الاڭدارى، جەكپە- جەك الاڭدارى بار. ورىندىقتار، ۋرنالار، كوشەنى جارىقتاندىراتىن 17 تىرەك ورناتىلدى. 1280 شارشى مەتر توسەم توسەلدى. اۋدان اكىمى اتاپ وتكەندەي، بۇل ساياباقتى قۇرۋ ماسەلەسى الماتى قالاسى اكىمىنىڭ اۋدان تۇرعىندارىمەن كەزدەسۋى كەزىندە كوتەرىلگەن بولاتىن.

«وسى ساياباقتا بالالارعا ارنالعان جاڭا بالالار جانە ويىن الاڭدارى ورناتىلدى. دەمەۋشىلەردىڭ كۇشىمەن سپورتپەن اينالىسۋ ءۇشىن سپورتتىق مانەج سالدىق. بۇگىنگى تاڭدا بالالار سپورتتىڭ 6 ءتۇرى تاەكۆوندو، كاراتە، بوكس، كۇرەس جانە كۋدو بويىنشا جاتتىعۋعا مۇمكىندىك الدى»، - دەدى اۋدان اكىمى.

ارالاس جەكپە- جەكتەن 3 دۇركىن الەم چەمپيونى ارداق نازاروۆ سپورتتىق نىساننىڭ بالالاردى تاربيەلەۋدە ماڭىزى زور دەيدى.

«مەن وسى اۋداندا ءوستىم. شاڭىراق شاعىن اۋدانىندا 1994 -جىلى 14 جاستاعى بالامىن. جول جوق، جارىق، سۋ جوق، جاعداي جوق، سوندا دا جاتتىعىپ وستىك. بۇگىن ەل دامىپ جاتقان كەزدە اتقارىلىپ جاتقان بۇل ىستەر مەملەكەتتىڭ جاناشىرلىعىنىڭ بەلگىسى دەپ بىلەمىن. تەك سوزبەن ايتپاي دالەل رەتىندە اشىلىپ جاتقان بالالار الاڭى سپورت الاڭدارى، جازعى سپورت الاڭدارى ۇلكەن ونەگە بولىپ وتىر. ماعان سپورتشى رەتىندە كوپ اتا انا جازادى. قالاعا بالامىزدى بەرە المايمىز، الىس، كەپتەلىسى بار. قازىر ۇيدەن شىقتىڭىز، ورتالىق قاسىڭىزدا، اقىسىز. بالالار سپورتشى بولماسا دا باپكەردەن ءتالىم- تاربيە السا، نۇر ۇستىنە نۇر ەمەس پە ، - دەدى ارداق نازاروۆ.

بيىل 17-قىركۇيەكتە الاتاۋ اۋدانىندا «شىڭعا ورلەۋ» باعدارلاماسى اياسىندا «دومبىرا ورتالىعى» الەۋمەتتىك نىسانى اشىلدى. دەمەۋشىلەردىڭ كومەگىمەن ورتالىققا قۇرال- سايماندار ساتىپ الىندى. عيماراتقا جوندەۋ جۇرگىزىلىپ، ىرگەلەس اۋماق اباتتاندىرىلدى. ورتالىقتا دومبىرا ويناۋدى 100 بالا مەڭگەرەدى.

«دومبىرا ورتالىعىنا كەلگەن بالالار كۇيشى بولىپ كەتپەسە دە، ۇلتتىق تاربيەنى بويىنا ءسىڭىرىپ وسسە دەگەن ويمەن اشىلدى. دومبىرا تارتىپ وسكەن بالانىڭ تاربيەسى جاقسى بولادى. وسكەلەڭ ۇرپاق تەلەفون ويناۋمەن دە ۋاقىتىن وتكىزىپ جاتىر. سول ۋاقىتتى اپتاسىنا 3 رەت دومبىراعا ءبولىپ جاتىرمىز. مۇندا كەز- كەلگەن وقۋشى كەلىپ جازىلا الادى»، - دەدى الاتاۋ اۋدانى مادەنيەت جانە تىلدەردى دامىتۋ ءبولىمى باسشىسىنىڭ مىندەتىن اتقارۋشى جۇلدىز بۇزاۋ قىزى.

جۋرناليستەر «شاڭىراق-2» شاعىناۋدانىندا ورنالاسقان ارتەزيان بۇلاعىنا دا باردى. وسىدان بىرنەشە اپتا بۇرىن بۇل جەردە تەك ءبىر قۇبىردان اققان سۋعا جۇزدەگەن ادام كەزەككە تۇراتىن. قازىر بيزنەستىڭ الەۋمەتتىك جاۋاپكەرشىلىگى اياسىندا ايماق تولىق اباتتاندىرىلىپ، ارتەزيان سۋىنا 5 قۇبىر تۇتىگى ورناتىلدى. سونداي- اق، «ۇلجان» شاعىن اۋدانىنداعى سپورت ايماعى تانىستىرىلدى. وندا جاقىندا فۋتبول الاڭىنىڭ اشىلۋى ءوتتى. اۋماقتا جاتتىعۋ قۇرىلعىلارى ورناتىلعان workout ايماعى بار. بۇل نىسان دا بيزنەستىڭ الەۋمەتتىك جاۋاپكەرشىلىگى اياسىندا سالىندى. سودان كەيىن باسپا ءسوز تۋرىنا قاتىسۋشىلار «شاپاعات» شاعىن اۋدانىنا كەلدى. وندا «جۇمىسپەن قامتۋدىڭ جول كارتاسى» باعدارلاماسى اياسىندا ساياباقتىڭ اعىمداعى جوندەۋىمەن تانىستى.

ونىڭ اۋماعى 13000 شارشى مەتر. ول جەردە بالالار الاڭى جانە سپورت الاڭدارى، فۋتبول الاڭى بار. كوشەنى جارىقتاندىرۋ تىرەكتەرى، ورىندىقتار مەن ۋرنالار ورناتىلدى. ءباسپاسوز تۋرىنىڭ قورىتىندىسى بويىنشا قاتىسۋشىلارعا «سوسنوۆىي بور « ساياباعىن اعىمداعى جوندەۋ بويىنشا جوبا تانىستىرىلدى. بۇل جوبا «جۇمىسپەن قامتۋدىڭ جول كارتاسى» باعدارلاماسى اياسىندا دا جۇزەگە اسىرىلدى. الاڭى 3 گ ا سكۆەردىڭ اۋماعىندا بالالار، باسكەتبول، workout الاڭدارى ورنالاسقان. سۋارۋ جۇيەسى بار. 4000 شارشى مەتر كوگال توسەلگەن. كوشەگە جارىقتاندىرۋ جانە ورىندىقتار مەن ۋرنالار ورناتىلدى.

سوڭعى جاڭالىقتار