ماڭعىستاۋ وبلىسىندا تەڭىز سۋىن تۇشىتاتىن ءىرى زاۋىت سالىنادى

None
None
اقتاۋ. قازاقپارات - ماڭعىستاۋ وبلىسىنىڭ جاڭاوزەن قالاسىندا تەڭىز سۋىن تۇشىتاتىن ءىرى زاۋىت سالىنادى. كاسىپورىن شاھاردىڭ اۋىز سۋعا قاجەتتىلىگىن تولىق وتەيدى دەپ كۇتىلۋدە، دەپ حابارلايدى قازاقپارات ءتىلشىسى.

قالا كۇنى قارساڭىندا جاڭاوزەن قالاسىنىڭ اكىمى ماقسات يباعاروۆ جۋرناليستەرمەن كەزدەستى. ونىڭ بارىسىندا جارتى عاسىرلىق تاريحى بار قالانى دامىتۋعا باعىتتالعان كەشەندى جوسپار اياسىندا الداعى 5 جىلدا جۇزەگە اسىرىلاتىن جوبالار جايىندا ءمالىم ەتتى. قالاداعى اۋىز سۋ تاپشىلىعى دا وسى كەشەندى جوسپار اياسىندا شەشىمىن تابادى. كەندىرلى ايماعىنان تەڭىز سۋىن تۇشىتاتىن ءىرى زاۋىت سالۋ كوزدەلۋدە. قازىر جوبانىڭ تەحنيكالىق نەگىزدەمەسى جاسالىپ جاتىر. تاۋلىگىنە 50 مىڭ تەكشە مەتر سۋ ءوندىرىلىپ، حالىققا تازا اۋىز سۋ ۇسىنىلادى.

«بۇل، جاڭاوزەن جۇرتشىلىعىنىڭ تىرشىلىك نارىنە دەگەن سۇرانىسىن تولىق وتەيدى. اۋىز سۋ ماسەلەسى بار. دەفيتسيت 15 مىڭداي ەكەن. كەندىرلى ايماعىندا تەڭىز سۋىن تۇشىتۋ زاۋىتى سالىنادى. 2021-2022 -جىلدارى سالامىز دەپ وتىرمىز. تاۋلىگىنە (قۋاتى - رەد. ) 50 مىڭ تەكشە مەتر. بارلىق قاجەتتىلىكتى وتەيدى. ءقازىر تەحنيكالىق- نەگىزدەمەسى جاسالىپ جاتىر. ول كەلەسى ايدا بىتەدى»، - دەدى قالا اكىمى م. يباعاروۆ.

مەملەكەتتىڭ قولداۋى مەن ۇكىمەت بەكىتكەن مونوقالالاردى دامىتۋ باعدارلاماسىنىڭ اياسىندا قالانىڭ كەلبەتى كوركەيىپ، ينفراقۇرىلىمى دامىدى. بيىل الداعى 5 جىلعا ارنالعان كەشەندى جوسپار دا بەكىتىلدى. 48 جوبانى جۇزەگە اسىرۋعا ءتۇرلى قارجى كوزدەرىنەن 62 ميلليارد تەڭگە قارجى بولىنبەك. قوماقتى قاراجاتتى يگەرۋ باستالىپ كەتتى. جاڭاوزەنگە قاراستى راحات اۋىلىندا مادەنيەت ءۇيى سالىنىپ جاتىر. ال، اشىلعالى جوندەۋ كورمەگەن قالالىق مادەنيەت ءۇيى جاڭارۋدا. كۇردەلى جوندەۋ جۇرگىزىلىپ، ساحنا اۋىستىرىلدى. بىرنەشە مەكتەپ جوندەلىپ، قاجەتتى قۇرالدارمەن جابدىقتالدى. ورتالىق كوشەلەر جارىقتاندىرىلىپ، جولدار جوندەلدى.

«قوردالانعان ماسەلەلەر - ەسكى ۇيلەر، 52 ءۇي بار. ولار كەشەندى جوسپارعا كىرگەن. 27 ۇيگە دوكۋمەنتاتسيا جاسالىپ قويدى. جوبالىق- سمەتالىق قۇجاتتاماسىن جاسادىق. «سامۇرىق- قازىنانىڭ» كومەگىمەن وسى جىلى سول جوبا شەڭبەرىندە 3 ءۇيدى جوندەۋدى باستاپ كەتتىك. وسى ءبىر ايدىڭ ىشىندە بىتىرەمىز دەپ كۇتىلۋدە. جۇمىستاردىڭ باستالعانىنا 3 اپتاداي بولدى. سونىمەن قاتار كەلەسى جىلى تۇرعىن ءۇي- كوممۋنالدىق شارۋاشىلىعىن جاڭعىرتۋ باعدارلاماسى اياسىندا بيۋدجەتتەن قارجىلاندىرىپ، 24 ءۇيدى جوندەيمىز دەگەن جوسپار بار»، - دەدى ول.

اۆتور: قاراكوز مارات

سوڭعى جاڭالىقتار