+7 (701) 759 90 19
-19 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

اسحات سادىرباي قازاق تىلىنە نەمقۇرايلى قارايتىن مەملەكەتتىك ورگاندار تۋرالى ايتتى

22 قازان 18:52
:ءبولىسۋ
اسحات سادىرباي قازاق تىلىنە نەمقۇرايلى قارايتىن مەملەكەتتىك ورگاندار تۋرالى ايتتى

نۇر- سۇلتان. قازاقپارات - كەيبىر مەملەكەتتىك ورگاندار ينتەرنەت سايتتارىنىڭ قازاقشا نۇسقالارىنا باسىمدىق بەرمەيدى. بۇل تۋرالى ۇلتتىق قوعامدىق سەنىم كەڭەسىنىڭ ءتورتىنشى وتىرىسىندا كەڭەس مۇشەسى اسحات سادىرباي ءمالىم ەتتى، دەپ حابارلايدى قازاقپارات ءتىلشىسى.

«كەيبىر مەملەكەتتىك ورگاندار مەن كۆازيمەملەكەتتىك كومپانيالار ينتەرنەت سايتتارىنىڭ قازاقشا نۇسقالارىنا باسىمدىق بەرمەيتىنىن، ءتىپتى، الەۋمەتتىك جەلىلەردەگى پاراقشالارىندا دا قازاقشا جازۋعا كەلگەندە قۇلىقتى ەمەس ەكەنىن كوپ بايقاپ ءجۇرمىز. كەيبىر مەملەكەتتىك ورگانداردىڭ دومەندىك اتاۋى مەملەكەتتىك تىلدە جازىلماعان. ودان باسقا، ەلىمىزدەگى ءارتۇرلى ءىرى حالىقارالىق جانە جەرگىلىكتى كومپانيالاردىڭ ينتەرنەت سايتتارىنان دا، الەۋمەتتىك جەلىلەردەگى پاراقشالارىندا دا مەملەكەتتىك تىلگە جەتكىلىكتى كوڭىل بولىنبەگەنىن اڭعارۋعا بولادى»، - دەدى ا. سادىرباي.

وسى ورايدا ول ينتەرنەتكە، ءارتۇرلى اقپاراتتىق تەحنولوگيالارعا، گادجەتتەرگە تاۋەلدىلىكتى ەسكەرە وتىرىپ، بۇل ەرەكشە كوڭىل بولەتىن جاعداي ەكەنىن اتاپ ءوتتى.

«بۇل ماسەلەنى ينتەرنەتتە «Qazaqsha Jaz» جاستار قوزعالىسىنىڭ دا كوتەرىپ، بەلسەندىلىك تانىتىپ جۇرگەنىن اتاعىم كەلەدى. سوندىقتان، ينتەرنەتتەگى ءتىل ماسەلەسىنە كوڭىل ءبولىنىپ، مەملەكەتتىك تىلگە قاتىستى تالاپ قويىلىپ، الگى سايتتار مەملەكەتتىك تىلدە دە جۇمىس ىستەسە ءتىلدىڭ قولدانۋ اياسى الدەقايدا كەڭەيىپ، انا ءتىلىمىزدىڭ دامۋىنا ۇلكەن وڭ اسەرىن بەرەر ەدى»، - دەدى كەڭەس مۇشەسى.

اۆتور: رۋسلان عابباسوۆ



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات