+7 (701) 759 90 19
-19 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

داعدارىس ورتالىقتارىنا جۇگىنگەن ايەل مەن بالا كوبەيدى - ءلاززات قوجاحمەتوۆا

22 قازان 15:55
:ءبولىسۋ
داعدارىس ورتالىقتارىنا جۇگىنگەن ايەل مەن بالا كوبەيدى - ءلاززات قوجاحمەتوۆا

نۇر-سۇلتان. قازاقپارات - كوروناۆيرۋستىڭ ءبىرىنشى كەزەڭىندە داعدارىس ورتالىقتارىنا جۇگىنگەن ايەل مەن بالا كوبەيدى.

ۇلتتىق قوعامدىق سەنىم كەڭەسىنىڭ ءتورتىنشى وتىرىسىندا الەۋمەتتىك جاڭعىرۋ بويىنشا توپتىڭ اتىنان بايانداما جاساعان جۋرناليست ءلاززات قوجاحمەتوۆا وسىلاي ءمالىم ەتتى، دەپ حابارلايدى قازاقپارات ءتىلشىسى.

«پاندەميا جاعدايىندا قازاقستان عانا ەمەس، الەمدە كوپتەگەن ەلدەردىڭ حالقى جۇمىسسىزدىققا ۇشىراپ جاتىر. وسى ورايدا حالىقتىڭ الەۋمەتتىك تۇرمىسى ۋشىعىپ، نەسيە مەن جوقشىلىقتىڭ قامىتىن كيگەن وتباسىلار كوبەيۋدە. قازىرگى كەزدە پاندەميا كەزىندە وتباسىلىق- زومبىلىقتار كۇشەيىپ جاتىر، بالالارعا قاتىستى زورلىق فاكتىلەرىنىڭ ءوزى حالىقتىڭ اشۋ-ىزاسىن تۋدىرىپ وتىر»، - دەدى ل. قوجاحمەتوۆا.

ونىڭ سوزىنە قاراعاندا، كوروناۆيرۋستىڭ ءبىرىنشى كەزەڭىندە داعدارىس ورتالىقتارىنا جۇگىنگەن ايەل مەن بالا كوبەيدى.

«وكىنىشكە قاراي، ولاردى قابىلدامادى، سەبەبى كوروناۆيرۋسقا قاتىستى تەست ناتيجەلەرىن سۇرادى. ىندەتتىڭ جاڭا تولقىنى سالقىن مەزگىلگە ءدوپ كەلەتىندىكتەن، وسى ماسەلەلەردى كەلەشەكتە قاراستىرىلعانىن ءارى ەسكەرىلگەنىن قالايمىز»، - دەدى ل. قوجاحمەتوۆا.

اۆتور: رۋسلان عابباسوۆ



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات