+7 (701) 759 90 19
-19 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

قازاقستاندا تۇرمىستىق زورلىق-زومبىلىق جاعدايىندا قايدا حابارلاسۋعا بولادى

22 قازان 15:10
:ءبولىسۋ
قازاقستاندا تۇرمىستىق زورلىق-زومبىلىق جاعدايىندا قايدا حابارلاسۋعا بولادى

نۇر-سۇلتان. قازاقپارات - جىل باسىنان بەرى 150 ءنومىرى بويىنشا جەدەل جەلىگە تۇرمىستىق زورلىق-زومبىلىق قۇرباندارىنان 2300 دەن استام ءوتىنىش كەلىپ ءتۇستى، دەپ حابارلايدى قازاقپارات ق ر اقپارات جانە قوعامدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.

«داعدارىس ورتالىقتارى وداعى» ز ت ب «ازاماتتىق باستامالاردى قولداۋ ورتالىعى» ك ە ا ق مەملەكەتتىك گرانتى شەڭبەرىندە ق ر اقپارات جانە قوعامدىق دامۋ مينيسترلىگىنىڭ قولداۋىمەن «تۇرمىستىق زورلىق- زومبىلىق قۇرباندارىنا ارنالعان داعدارىس ورتالىقتارىنىڭ قىزمەتىن جەتىلدىرۋ جانە اگرەسسورلارمەن جۇمىس ىستەۋ جونىندەگى ءىس-شارالار كەشەنىن ۇيىمداستىرۋ» الەۋمەتتىك جوباسىن ىسكە اسىرۋدا. قازاقستاندا وتباسىلىق زورلىق-زومبىلىق پروبلەماسى وزەكتى بولىپ وتىر. ازاماتتار وتباسىنداعى وسىنداي پروبلەمالاردى اشىق قوعامدىق تالقىلاۋ وبەكتىسىنە اينالدىرعىسى كەلمەيدى. داعدارىس ورتالىقتارى وداعىنىڭ مالىمەتى بويىنشا اعىمداعى جىلدىڭ ناۋرىز- قىركۇيەك ايلارىندا عانا 150 ءنومىرى بويىنشا جەدەل جەلىگە تۇرمىستىق زورلىق- زومبىلىق قۇرباندارىنان 2300 دەن استام ءوتىنىش كەلىپ ءتۇستى. ەلىمىزدە العاش رەت وسى باعىتتاعى الەۋمەتتىك جوبا نەمىس ماماندارىنىڭ قاتىسۋىمەن جۇزەگە اسىرىلۋدا.

«جوبا ەرلى- زايىپتىلارعا ارنايى تەحنيكانى قامتيتىن كونسۋلتاتسيالار مەن ترەنينگتەر ارقىلى زورلىق- زومبىلىققا قاتىستى اگرەسسيۆتى مىنەز-قۇلىق پەن كوزقاراستى تۇزەتۋدى قاراستىرادى. بۇدان باسقا، وداق پسيحولوگتار مەن پسيحوتەراپيەۆتتەرگە ارنالعان قازاق جانە ورىس تىلدەرىندە ارنايى نۇسقاۋلىقتار ازىرلەدى. قازىرگى ۋاقىتتا الماتى قالاسىنداعى «تۇرمىستىق زورلىق- زومبىلىق ماسەلەلەرى جونىندەگى وتباسىلىق قىزمەت» كابينەتىندە كۇندىزگى كەڭەس بەرۋ ءۇشىن 4 شتاتتىق قىزمەتكەر، ونىڭ ىشىندە پسيحولوگتار مەن پسيحوتەراپيەۆتتەر جۇمىس ىستەيدى. سونداي-اق، قالالىق پوليتسيا دەپارتامەنتىنىڭ جەرگىلىكتى پوليتسيا قىزمەتى اراسىندا ىنتىماقتاستىق تۋرالى مەموراندۋمعا قول قويىلدى»، - دەپ تاپ ءوتتى «داعدارىس ورتالىقتارى وداعى» ز ت ب باسشىسى ءزۇلفيا بايساقوۆا. ساراپشىنىڭ ايتۋىنشا، وكىنىشكە وراي، بۇگىندە قورعانىس پەن كومەككە جۇگىنەتىن ادامدار ازايماي وتىر. سوندىقتان قيىن ومىرلىك جاعدايدى باسىنان كەشىرگەن قازاقستاندىقتار ەلىمىزدىڭ كەز كەلگەن نۇكتەسىنەن 150 نومىرىنە تاۋلىك بويى، تەگىن جانە جاسىرىن قوڭىراۋ شالا الادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات