+7 (701) 759 90 19
-17 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

ايگۇل ورىنبەك تۇركىستان وبلىسىنداعى ءبىلىم سالاسى بىلىقتارىن جاريا ەتتى

22 قازان 14:54
:ءبولىسۋ
ايگۇل ورىنبەك تۇركىستان وبلىسىنداعى ءبىلىم سالاسى بىلىقتارىن جاريا ەتتى

نۇر-سۇلتان. قازاقپارات - ۇلتتىق قوعامدىق سەنىم كەڭەسىنىڭ 4-وتىرىسىندا كەڭەس مۇشەسى ايگۇل ورىنبەك تۇركىستان وبلىسىنداعى ءبىرقاتار ولقىلىقتى جاريا ەتتى، دەپ حابارلايدى قازاقپارات ءتىلشىسى.

«قۇرمەتتى قاسىم-جومارت كەمەل ۇلى! ءسىز ءوز جولداۋىڭىزدا «ءبىز تىڭداۋشى مەملەكەت بولۋ كەرەك» ەكەنىمىزدى ناقتى ايتتىڭىز. سوندىقتان، دەر كەزىندە «سوزدەن - ىسكە» كوشىپ، حالىقتىڭ تۇرمىس-تىرشىلىگىمەن تانىس قوعام بەلسەندىلەرىنەن تۇراتىن ۇلتتىق كەڭەستى قۇردىڭىز. بۇگىندە كەڭەس وكىلدەرى ارقىلى وڭىرلەردەگى وزەكتى ماسەلەلەردەن حاباردار بولىپ كەلەسىز. بۇل - كەڭەس جۇمىسىنىڭ تيىمدىلىگى عانا ەمەس، مەملەكەتىمىزدەگى ۋاقىت كۇتتىرمەيتىن تۇيتكىلدى ماسەلەلەردىڭ وڭ شەشىمىن تابۋى ءۇشىن ماڭىزى مول. راسىندا، ءسىزدىڭ تاجىريبەڭىزدەن جەرگىلىكتى اكىمدەر ۇلگى الۋ كەرەك دەپ ويلايمىن. وكىنىشكە قاراي، ءبىزدىڭ وڭتۇستىكتە حالىقتىڭ ءۇنىن تىڭدايتىن، جەرگىلىكتى جۇرتتىڭ پروبلەمالارىن جاقسى بىلەتىن قوعام بەلسەندىلەرىنىڭ پىكىرى ەسكەرىلمەيدى. سەنسەڭىز، اتقارۋشى ورگان سول ايتىلعان پروبلەمالاردى جويۋدىڭ ورنىنا، كەرىسىنشە بۇل ماسەلەنى كوتەرگەن، حالىققا جاناشىرلىق تانىتقاندارعا قىسىم كورسەتۋدە. ءيا، سول ماسەلەنى كوتەرگەن وزىڭمەن الىسىپ، اكتۋالدى ماسەلە جايىندا قالادى»، - دەدى ول.

ونىڭ ايتۋىنشا، وڭتۇستىك وڭىرىندە شەشىمىن تاپپاي جاتقان الەۋمەتتىك پروبلەمالار جەتىپ ارتىلادى.

«ال مەن بىلگەن ماسەلەنى، اتقارۋشى بيلىك وكىلدەرىنىڭ بىلمەۋى مۇمكىن ەمەس. ماعان ايتقان ماسەلەنىڭ، ولارعا ايتىلماۋى دا مۇمكىن ەمەس. ەندىگى جەردە كوزبوياۋشىلىقتى دوعارۋ كەرەك دەپ ويلايمىن. نەمەسە قىزمەتتىك قۇرىلىمداردى، ونداعى باسشىلىق قۇرامدى قايتا جاساقتاۋ قاجەت. تاعى ءبىر شىندىق.

«بارماق باستى - كوز قىستى» ارەكەتتەر بارلىق وڭىرلەردە كەڭىنەن ەتەك جايعان. ماسەلەن، جەرگىلىكتى اكىمدىكتەردىڭ جانىنان قۇرىلعان قوعامدىق ءارى تارتىپتىك كەڭەستەردىڭ، كوميسسيالاردىڭ، ۇيىمداردىڭ قىزمەتى كوڭىلىمنەن شىقپايدى. نە ىستەپ، جاتقاندارى دا بەيمالىم. جاتتاندى جينالىستى عانا كورەمىز. اقيقاتتى ايتۋدىڭ ورنىنا جاعىمپازدانىپ، سول شەنەۋنىكتەردىڭ شاشباۋىن كوتەرىپ جاتىر-اۋ دەگەن ويعا قالاسىڭ»، - دەدى ايگۇل ورىنبەك.

بۇل ماسەلەنى شەشۋ ءۇشىن ول ۇلتتىق قوعامدىق سەنىم كەڭەسىنىڭ مۇشەلەرىن سول جەرگىلىكتى كوميسسيا قۇرامىنا قوسۋدى ۇسىندى.

«سوندا ءسىز بەن ءبىز اتقارۋشى بيلىك ورگاندارىندا ورىن العان ولقىلىقتاردان حاباردار بولار ەدىك. سونداي-اق، بۇل باستاما ارقىلى سىبايلاس جەمقورلىق تەتىكتەرى مەن سالالارداعى سالعىرتتىقتىڭ جولى كەسىلەر ەدى»، - دەدى ول.

قوعام بەلسەندىسى پرەزيدەنت قولداۋىنىڭ ارقاسىندا ورتا كاسىپتىك ءبىلىم بەرەتىن ۇيىمداردا وقيتىن از قامتىلعان، كوپ بالالى وتباسىلاردان شىققان جاسوسپىرىمدەرگە مەملەكەت تاراپىنان قولداۋ ۇزىلمەي كەلە جاتقاندىعىن ايتادى.

«الايدا، تۇركىستان وبلىسىندا بۇل سالانىڭ ءوزى قىپ-قىزىل بيزنەسكە اينالىپ كەتتى. بيىل وبلىسىمىزدىڭ الدىڭعى قاتارداعى، بازاسى مىقتى ءبىرقاتار وقۋ ورىندارى سەنىمگەرلىك باسقارۋعا جەكەمەنشىككە بەرىلدى. قازىرگى كەزدە ونداعى ۇستازدار قۋدالاۋعا ۇشىراپ، مارتەبەسى اياققا تاپتالىپ جاتىر. ۇلاعاتتى جولدى تاڭداعانداردىڭ ار-نامىسى مەن ابىرويى وسىلايشا تاپتالىپ جاتقاندا، ءبىلىم بەرۋ جۇيەسى وڭالادى دەپ كىم ايتتى؟ بۇعان كوز جۇمۋعا بولمايدى. قازاقستاننىڭ بولاشاعى باياندى بولۋى وسى ءبىلىمدى ۇرپاقتىڭ قولىندا ەكەنىن ەسكەرسەك، ءدال قازىرگى شەشۋشى ساتتە ءبىلىم جۇيەسىنىڭ تامىرىنا بالتا شابىلىپ جاتىر دەپ مەن اشىق ايتا الامىن. بۇل ماسەلەلەر - ۇستازداردىڭ جانايقايى مەن ونداعى ءبىلىم وشاقتارىنىڭ تاعدىرى نازاردان تىس قالمايدى دەپ سەنەمىن»، - دەدى ايگۇل ورىنبەك.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات