قاسىم-جومارت توقايەۆ اۋىل اكىمدەرىن سايلاۋعا قاتىستى پىكىر ءبىلدىردى
«ازاماتتار قانداي دا ءبىر ۇزاقمەرزىمدى جاعدايدا ەمەس، جاقىن ارادا مەملەكەتتىك ساياساتتىڭ ناقتى ناتيجەسىن كورىپ، سەزىنە ءبىلۋى ءتيىس حالىقارالىق رەيتينگتەردەگى كورسەتكىشتەر ماڭىزدى بولسا دا ول ازاماتتارعا، ولاردىڭ الەۋمەتتىك كوڭىل- كۇيىنە اسەر ەتپەيتىنىن ءتۇسىنۋ كەرەك»، - دەدى قاسىم-جومارت توقايەۆ ۇلتتىق قوعامدىق سەنىم كەڭەسىنىڭ وتىرىسىندا.
پرەزيدەنت ءوز سوزىندە باستالعان رەفورمالاردىڭ تاعى ءبىر سالماقتى كومپونەنتى - اۋىل اكىمدەرىن تىكەلەي سايلاۋ ەكەنىن ايتىپ ءوتتى.
«ول سايلاۋ قازاقستان تاريحىندا ءبىرىنشى رەت وتكىزىلەدى. بۇل سايلاۋ - ءتيىمدى ءارى تۇراقتى مەملەكەتتىك ينستيتۋتتاردى قۇرۋداعى ماڭىزدى قادام بولماق. اۋىلدىق وكرۋگ اكىمدەرىن تىكەلەي سايلاپ الۋ ماسەلەسىنە ۇلكەن جاۋاپكەرشىلىكپەن كەلدىك. اۋقىمدى دايىندىق جۇمىستارى جۇرگىزىلدى»، - دەدى ول.
پرەزيدەنت 2020 -جىلى اۋىلدىق وكرۋگتەردىڭ بارىندە ءتورتىنشى دەڭگەيلى بيۋدجەتتى ەنگىزۋ جۇمىسى اياقتالعانىن ءمالىم ەتتى.
اۆتور: ايان بەكەن ۇلى