تىلدىك پاندەر مەن ادەبيەتتىڭ وقۋ باعدارلامالارىن قايتا قاراۋ كەرەك - توقايەۆ

None
None
نۇر-سۇلتان. قازاقپارات - وقۋ مادەنيەتىن ارتتىرۋ ماسەلەسىن كەشەندى تۇردە شەشۋ ءۇشىن تىلدىك پاندەر مەن ادەبيەتتىڭ وقۋ باعدارلامالارىن قايتا قاراۋ كەرەك.

بۇل تۋرالى ۇلتتىق قوعامدىق سەنىم كەڭەسىنىڭ 4-وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«تاعى ءبىر ماڭىزدى مىندەت - مەكتەپ كىتاپحانالارىنىڭ كىتاپ قورىن جاڭالاۋ جانە تولىقتىرۋ. قازىر بۇل كىتاپحانالاردىڭ قورى ەسكىرگەن ءارى جۇتاڭ. اسىرەسە، كوركەم تۋىندىلار مەن تارتىمدى ادەبيەتتەر تاپشى. قازاق تىلىندەگى ءتيىستى ادەبيەتتەر وتە از نەمەسە مۇلدەم جوق»، - دەدى مەملەكەت باسشىسى.

قازاقستان پرەزيدەنتىنىڭ اتاپ وتۋىنشە، وقۋشىلاردىڭ الەم ادەبيەتى كلاسسيكتەرىنىڭ شىعارمالارىنا قولى جەتە بەرمەيدى.

«سونىمەن قاتار، وقۋ مادەنيەتىن ارتتىرۋ ماسەلەسىن كەشەندى تۇردە شەشۋ ءۇشىن تىلدىك پاندەر مەن ادەبيەتتىڭ وقۋ باعدارلامالارىن قايتا قاراۋ كەرەك. ءبىلىم جانە عىلىم مينيسترلىگىنە وسى ماسەلەلەرمەن مۇقيات اينالىسۋدى جانە ناقتى ۇسىنىستار ەنگىزۋدى تاپسىرامىن»، - دەدى قاسىم-جومارت توقايەۆ.

اۆتور: مارلان جيەمباي

سوڭعى جاڭالىقتار