ازاماتتىق العان قانداستارىمىز سولتۇستىك وڭىرگە كوشكەندە ءۇي كەزەگى ساقتالۋى ءتيىس - مەملەكەت باسشىسى

نۇر-سۇلتان. قازاقپارات - ازاماتتىق العان قانداستارىمىز سولتۇستىك وڭىرگە كوشسە ۇكىمەت ولاردىڭ ءۇي كەزەگىنىڭ ساقتالۋىن قامتاماسىز ەتۋى كەرەك.

بۇل تۋرالى ۇلتتىق قوعامدىق سەنىم كەڭەسىنىڭ 4-وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«وتانىنا ورالعان قانداستاردى ۇيمەن قامتاماسىز ەتۋ ماسەلەسى دە تولىق شەشىمىن تاپقان جوق. ولاردىڭ تەك ءبىر جىلعا بەرىلەتىن قانداس مارتەبەسىنىڭ مەرزىمى بىتكەنشە عانا ءۇي الۋعا مۇمكىندىگى بار. ال ازاماتتىققا يە بولعان سوڭ بۇل مارتەبەسى جويىلىپ، سونىمەن بىرگە ءۇي الۋ قۇقىعىنان دا بىردەن ايىرىلادى. وسىعان وراي ازاماتتىق العان قانداستارىمىز سولتۇستىك وڭىرگە كوشسە، ۇكىمەت ولاردىڭ ءۇي كەزەگىنىڭ ساقتالۋىن قامتاماسىز ەتۋى كەرەك. بۇل شارا قانداستاردىڭ وسىنداي جۇمىس قولى تاپشى ايماقتارعا كوشىپ بارۋىنا قوسىمشا سەرپىن بەرەدى»، - دەدى مەملەكەت باسشىسى.

ق ر پرەزيدەنتىنىڭ اتاپ وتۋىنشە، شەتەلدە تۋىپ- وسكەن قازاقتاردىڭ بارلىعى تاريحي وتانىن ماقتان تۇتادى. «كوپتەگەن قانداسىمىز اتاجۇرتقا ورالىپ جاتىر. ولارعا العاشقى كەزدە مەملەكەت جان- جاقتى قولداۋ كورسەتۋگە ءتيىس»، - دەدى قاسىم-جومارت توقايەۆ.

اۆتور: مارلان جيەمباي