پاندەميا كەزەڭىندە ە و ەلدەرىندە سايلاۋ قالاي ءوتتى؟

None
None
بريۋسسەل. قازاقپارات - كوروناۆيرۋس پاندەمياسى باستالعالى ەۋروپالىق وداققا مۇشە ەكى ەل حالىقتىق سايلاۋ وتكىزدى.

فرانسيا مەن پولشاداعى سايلاۋ جايلى قازاقپاراتتىڭ بريۋسسەلدەگى مەنشىكتى ءتىلشىسى ايتىپ بەرەدى.

فرانسيادا مۋنيتسيپالدى سايلاۋ ەكى كەزەڭدە ءوتتى. وندا رەسپۋبليكا ازاماتتارى جەرگىلىكتى ءوزىن- ءوزى باسقارۋدى تاڭدادى. ءبىرىنشى كەزەڭ 2020-جىلعى 15- ناۋرىزدا، ال ەكىنشى كەزەڭ 8- ماۋسىمدا ءوتتى.

ءبىر قىزىعى، سايلاۋدىڭ ءبىرىنشى كەزەڭىنەن كەيىن فرانسيانىڭ ءبىرقاتار قالاسىنىڭ مەرلەرى ەلدىڭ پرەمەر-مينيسترىنە ۇجىمدىق ۇندەۋ جولدادى. وندا ولار سايلاۋدىڭ كەلەسى كەزەڭىن كەشىكتىرمەۋدى سۇراعان، ويتكەنى قالا بيلىگى كارانتيننىڭ سالدارىن جويۋ ءۇشىن بار كۇشىن سالۋعا مۇددەلى بولدى.

پاندەميا جونىندەگى عىلىمي كەڭەستىڭ كەلىسىمى بويىنشا فرانسيا ۇكىمەتى ماۋسىمنىڭ سوڭعى جەكسەنبىسىندە ەكىنشى كەزەڭدى وتكىزۋگە كەلىستى. وسىعان بايلانىستى جەرگىلىكتى شەنەۋنىكتەر سايلاۋشىلاردى جەكە قورعانىس قۇرالدارىمەن قامتاماسىز ەتۋگە ۋادە بەردى.

فرانسۋز باقىلاۋشىلارىنىڭ پىكىرىنشە، پاندەميا ۇگىت-ناسيحات پەن داۋىس بەرۋ پروتسەسىنە ايتارلىقتاي اسەر ەتتى. كانديداتتار وزدەرىنىڭ ۇگىت-ناسيحات جۇمىستارىن ءوز كوماندالارىمەن كەزدەسپەي وتكىزدى.

ولار ينتەرنەت ارقىلى بەلسەندى ۇگىت جۇمىستارىن جۇرگىزدى. پاندەميا كەزىندە پولشادا جالپى حالىقتىق سايلاۋ ءوتتى، وندا ەلدىڭ جاڭا پرەزيدەنتى سايلاندى. ءبىرىنشى كەزەڭ 2020-جىلعى 28- ماۋسىمدا، ەكىنشى كەزەڭ 12- شىلدەدە ءوتتى. ەكىنشى كەزەڭدە اندجەي دۋدا جەڭىسكە جەتتى. كوروناۆيرۋس پاندەمياسىنا بايلانىستى پولشا پرەزيدەنتىن سايلاۋ ەكى جولمەن ءوتتى: ءداستۇرلى تۇردە جانە «پوشتا ارقىلى».

داۋىس بەرۋگە ارنالعان ارنايى پاكەتتەر العان 200 مىڭعا جۋىق پولياك قاشىقتان داۋىس بەرۋ مۇمكىندىگىن پايدالاندى.

سوڭعى جاڭالىقتار