ءماجىلىس پەن ءماسليحات سايلاۋىنا «بىرلىك» پارتياسى قاتىساتىنىن مالىمدەدى

None
None
نۇر-سۇلتان. قازاقپارات - «بىرلىك» پارتياسى 2021-جىلدىڭ 10- قاڭتارىنا بەلگىلەنگەن ءماجىلىس جانە ءماسليحات سايلاۋىنا قاتىساتىن بولدى.

قازاقپارات پارتيانىڭ مالىمدەمەسىن جاريالايدى.

«بىرلىك» ساياسي پارتياسىنىڭ پارلامەنت سايلاۋى قارساڭىنداعى مالىمدەمەسى

«بىرلىك» ساياسي پارتياسى پرەزيدەنت قاسىم-جومارت توقايەۆتىڭ ءماجىلىس جانە ءماسليحات سايلاۋىن بەلگىلەۋ تۋرالى ۇندەۋىن قولدايدى. سايلاۋ ناۋقانىن كونستيتۋتسيامەن بەكىتىلگەن مەرزىمدە وتكىزۋ پارتيامىز تاراپىنان قۇپتالادى. پاندەميانىڭ تارالۋىنا بايلانىستى تۇبەگەيلى وزگەرىستەر مەن ەكونوميكالىق سىناقتاردىڭ مۇلدەم جاڭا جاعدايىندا سايلاۋدى زاڭنامامەن بەلگىلەنگەن مەرزىمدە وتكىزۋ ماڭىزدى.

بۇل جايت بارلىق پارتيالارعا دايىندىق جاساۋعا مۇمكىندىك بەردى. ءوزىنىڭ جاقتاستارىن «جيناقتاۋ» ءۇشىن ۋاقىتتى ءبىزدىڭ پارتيامىز دا الدى، اتاپ ايتقاندا ۇيىمىمىزدىڭ 30- قىركۇيەكتە وتكەن سەزىندە ءبىز سايلاۋالدى پلاتفورمانىڭ سۇلباسىن بەكىتىپ، جارعىعا وزگەرىستەر ەنگىزدىك. مەملەكەت باسشىسىنىڭ باستاماسىمەن ساياسي جاڭعىرۋ بويىنشا ناقتى شارالار پارلامەنت جانە ماسليحاتتاردا وكىلدىك الۋ ءۇشىن ايتارلىقتاي كوبىرەك مۇمكىندىكتەر بەرەدى.

ءبىز «پارلامەنتتىك وپپوزيتسيا» تۇسىنىگىن ەنگىزۋ، ايەلدەر مەن جاستارعا 30-پايىزدىق كۆوتانى ەنگىزۋ جانە ماجىلىستەن باستاپ اۋدان مەن قالالىق ءماسليحاتتارعا دەيىنگى بارلىق دەڭگەيلەردە پروپورتسيونالدى مودەل مەن پارتيالىق تىزىمدەردى قولدانۋ شارالارىن قولدايمىز. بۇدان بولەك، پرەزيدەنت «پارلامەنتتىك وپپوزيتسيا» وكىلدەرىن ءماجىلىس كوميتەتتەرىنە جۇمىلدىرۋ تۋرالى شەشىمدى ايتتى، بۇل شارا ەلەكتورالدى كامپانيا كەزەڭىندە دە، سونداي-اق پارلامەنت جانە ماسليحاتتار جۇمىسى اياسىندا دا اشىق باسەكەلەستىكتى تۇزۋگە دايىندىقتى ايقىندايدى.

قالىپتاسقان پارتيا رەتىندە بىزدە جاقتاستارىمىز، وسى باسەكەلىك كۇرەسكە قاتىسۋعا قاجەتتى الەۋەت پەن ينفراقۇىرىلىم بار. بارلىق پارتيالار تاجىريبەسىنە، قولداۋشىلار سانى مەن مولشەرىنە قاراماستان، وزدەرىنىڭ ساياسي كەمەلدىگىن كورسەتىپ، سايلاۋعا قاتىسىپ، داۋىس بەرۋشىلەردىڭ قولداۋىن الۋى قاجەت دەپ سانايمىز.

مەملەكەت باسشىسىنىڭ ءماجىلىس پەن ءماسليحاتتاردا ءوزىنىڭ تيىمدىلىگىن دالەلدەگەن بارلىق پارتيالاردىڭ وكىلدەرى بولۋى ءتيىس دەگەن ۇستانىمىن قولدايمىز. بۇل پىكىرلەردىڭ پليۋراليزمىن تۋدىرىپ، ەل ازاماتتارىنىڭ يگىلىگى ءۇشىن پىكىرتالاس، يدەيا مەن ۇسىنىستاردىڭ باسەكەسىن قامتاماسىز ەتپەك.

مەملەكەت باسشىسى جاڭارعان پارلامەنت ەلىمىزدە الداعى الەۋمەتتىك-ەكونوميكالىق وزگەرىستەرگە زاڭنامالىق بازانى قامتاماسىز ەتۋى قاجەتتىگىن اتاپ ءوتتى.

ءبىز قازاقستان پرەزيدەنتىنىڭ ساياسي مادەنيەتتى، دەموكراتيالاندىرۋدى دامىتۋ جونىندەگى شەشىمى مەن ساياسي ەركى، سونداي-اق ق ر و س ك- نىڭ كاسىبي جۇمىسى الداعى سايلاۋ شەڭبەرىندە بارلىق ساياسي پارتيالار ءۇشىن اشىقتىق پەن تەڭ باسەكەلەستىكتى قامتاماسىز ەتەتىنىنە سەنىمدىمىز. جاريالانعان سايلاۋ بارشامىزعا - قوعام، پارتيالار، مەملەكەتتىك اپپارات ءۇشىن ماڭىزدى سىناق ەكەنىن اتاپ وتكەن ءجون.

ويتكەنى سايلاۋ ناۋقانى الەمدىك پاندەميا سالدارىنان العاش رەت ەكونوميكالىق قيىن كەزەڭدە وتپەك.

وسى سايلاۋ اعىمداعى سيتۋاتسيامەن قاتار، ساياسي مادەنيەتتىڭ دامۋى، ازاماتتىق قوعامنىڭ دامۋى، جاڭا مەديا قۇرالداردى قوسا العاندا تەحنولوگيالىق جابدىقتالۋ دەڭگەيىنىڭ وسۋىنە بايلانىستى ەرەكشە بولادى.

مەن «بىرلىك» پارتياسىنىڭ جەتەكشىسى رەتىندە ق ر پرەزيدەنتى قاسىم-جومارت توقايەۆتىڭ بۇگىنگى سويلەگەن ءسوزى بىزگە سەنىمدىلىك سىيلاعانىن جاسىرمايمىن. ۇيىمىمىزدىڭ الداعى سايلاۋعا قاتىسۋعا دايىن ەكەنىن رەسمي تۇردە مالىمدەيمىن جانە الداعى سەز اياسىندا سايكەس شەشىم قابىلداپ، سايلاۋعا قاتىسۋ ءۇشىن بەلسەندى پارتيا وكىلدەرى قاتارىنان پارتيالىق ءتىزىمدى جاساقتايمىز.

سوڭعى جاڭالىقتار