شىمكەنتتىك وقۋشى شاشباۋدىڭ ومىرتقا قيسايۋىنىڭ الدىن الاتىنىن دالەلدەدى

None
None
شىمكەنت. قازاقپارات - شىمكەنتتە نازاربايەۆ زياتكەرلىك مەكتەبىنىڭ 12-سىنىپ وقۋشىسى اسەل مۇسايەۆا شاشباۋدى ومىرتقا قيسايۋىنىڭ الدىن الۋ ماقساتىندا قولدانۋ قۇرىلىمىن زەرتتەپ، بۇل تابىستى جۇمىسى ءۇشىن اۆتورلىق قۇقىق الدى، دەپ حابارلايدى قازاقپارات ءتىلشىسى.

جوبا اۆتورى زەرتتەۋ جۇمىسىندا قازاق سۇلۋلارىنىڭ ادەمى مۇسىنىنە ىقپال ەتكەن، مەزگىلسىز اجىمدەردىڭ پايدا بولۋىنا جول بەرمەيتىن جانە قان اينالىمىن جاقسارتاتىن شاشباۋ جانە شولپى سەكىلدى ۇلتتىق اشەكەيلەرىمىزدى نەگىزگە العان.

«شاشباۋدى پايدالانعاندا قاۋىپسىزدىكتى، قولجەتىمدىلىكتى جانە قولايلىلىقتى قامتاماسىز ەتۋ ماقساتىندا اۆتور ارتىق بولشەكتەردى الىپ تاستاپ، قازىرگى جيىرما ءبىرىنشى عاسىرعا ساي ەتىپ ءونىمدى قايتا جاڭارتتى. ناتيجەسىندە بۇل شاشباۋ ومىرتقانىڭ مويىن-جاق بولىگىندەگى بۇزىلۋدىڭ الدىن الۋعا كومەكتەسەدى. ونىمەن قوسا، ۆەگەتو-تامىر اۋرۋلارىنىڭ سانىن ازايتۋعا سەپتىگىن تيگىزەدى» دەلىنگەن حابارلامادا.

عىلىمي جوبا جەتەكشىسى - ۇستاز جاننا دۇيسەنبيەۆا.

«شاشباۋدىڭ باستى فۋنكسياسى - شاشقا ءسان بەرۋ نەمەسە ونىڭ سىلدىرى ارقىلى نازار اۋدارتۋ ەمەس. ونى قىز بالانىڭ تىك تۇلعاسىنىڭ قالىپتاسۋىنا جاۋاپتى اكسەسسۋار رەتىندە قاراستىرعان ءجون. شاشباۋ - باستىڭ ءوز وسىنەن اۋىتقىماۋىنا قاجەت قۇرال. شاشباۋ سالماعىنىڭ قىز بالاسىنىڭ جاس ەرەكشەلىگىنە قاراي اۋىرلاپ وتىرۋىنىڭ دا سەبەبى سول» دەيدى جاننا التىنبەك قىزى.

سوڭعى جاڭالىقتار