چەمپيوندار ليگاسى: ۋكراينالىق كلۋب اتاقتى «رەالدى» جەڭدى

None
None
نۇر-سۇلتان. قازاقپارات - UEFA چەمپيوندار ليگاسى توپتىق كەزەڭىندەگى كەزەكتى ويىندار اياقتالدى، دەپ حابارلايدى قازاقپارات ءتىلشىسى.

«ۆ» توبىنداعى «رەال مادريد» - «شاحتەر» اراسىنداعى ويىندا كۇتپەگەن ەسەپ تىركەلدى.

كەزدەسۋدىڭ 29-مينۋتىندا ۋكراينالىق كوماندانىڭ فۋتبولشىسى تەتە ەسەپ اشتى. مۇنان سوڭ «شاحتەر» ەسەپتى ەسەلەدى. «رەال» قورعاۋشىسى رافاەل ۆاران ءوز قاقپاسىنا گول كىرگىزىپ الدى.

ۋكراينا كومانداسىنىڭ شابۋىلى مۇنىمەن توقتاعان جوق. ءبىرىنشى تايمنىڭ سوڭىنا تامان شابۋىلشى مانور سولومون «شاحتەردىڭ» ءۇشىنشى گولىن سوقتى.

«رەال» ەكىنشى تايمدا تىڭ وزگەرىستەر ەنگىزدى. شابۋىل شەبىنە فرانسۋز كارىم بەنزەما قوسىلدى. مودريچ پەن جۋنيور كورولدىك كلۋبتىڭ ساپىندا كوزگە ءتۇستى. قورىتىندى ەسەپ - 2:3.

وسىلايشا، «شاحتەر» اتاقتى «رەالدى» جەڭىپ، توپتىق كەزەڭنىڭ سەنساتسياسىن تىركەدى.

«ا» توبىندا گەرمانيانىڭ «زالتسبۋرگ» كومانداسى مەن رەسەيدىڭ «لوكوموتيۆى» سىنعا ءتۇستى.

ويىن جىلدام شابۋىلدارمەن باستالىپ، رەسەيلىكتەر ءۇشىن جەمىستى بولدى. 19-مينۋتتا شابۋىلشى ەدەر قارسىلاستار قاقپاسىنان ساڭىلاۋ تاپتى. نەمىستەردىڭ جاۋابى كوپ كۇتتىرگەن جوق. ويىننىڭ ءبىرىنشى بولىگىنە جاقىن تۇستا دومەنەك سوبوسلاي تارازى باسىن تەڭەستىردى.

قارسىلاستار ەكىنشى تايمدا ءبىر-ءبىر گولدان سوعىپ، تەڭ تارقاستى. گول اۆتورلارى: ليساكوۆيچ پەن يۋنۋزوۆيچ.

سوڭعى جاڭالىقتار