اتىراۋدا بۇرىنعى تويحانا تىگىن سەحىنا اينالدى

اتىراۋ. قازاقپارات - اتىراۋدا بۇرىنعى تويحانا تىگىن سەحىنا اينالدى، دەپ حابارلايدى قازاقپارات.

وڭىرلىك كوممۋنيكاتسيالار قىزمەتىنىڭ اقپاراتىنا قاراعاندا، اتىراۋلىق كاسىپكەر مەيرامگۇل يمانعاليەۆا مەيرامحانانى تىگىن شەبەرحاناسىنا اينالدىرعان.

ول بۇل ىسكە ۇلكەن دايىندىقپەن كەلگەن. بالا تاربيەسىمەن ۇيدە وتىرعان كەزدە «حانشايىم ماقپالى» دەپ اتالاتىن ماتادان كورپە تىگىپ ۇيرەنگەن. جۇرگەن.

«سول كەزدە قۇراق كورپە تۇرعىنداردىڭ بارىندە بولعان جوق. مەن ۇيىمدە تاپسىرىس قابىلداپ، ءىسىمدى ۇلتتىق ناقىشتاعى كورپە- توسەكتەر تىگۋدەن باستادىم» - دەيدى مەيرامگۇل يمانعاليەۆا.

وسىلاي تاجىريبە جيناعان ىسمەر 2016 -جىلى ءوز كاسىبىن اشقان. ۇلتتىق ۇلگىدەگى قىز جاساۋى مەن كيىم- كەشەك، ءتۇرلى بۇيىمداردى ساندەپ تىگەتىن شەبەر وتباسىلىق ءىسىن كەڭەيتىپ، تاپسىرىس كولەمىن ارتتىرعان.

«اسىرەسە، قىز جاساۋىنا تاپسىرىس كوپ ءتۇسىپ، قىزمەتكەرلەر سانى ارتقان سوڭ شاعىن سەحتى كەڭەيتۋدى ويدادىق. ناۋرىز ايىنان بەرى اتىراۋ قالاسىنىڭ ىرگەسىندەگى كوكارنا اۋىلىندا بوس تۇرعان «اجار» تويحاناسىن جالعا الىپ، جۇمىسىمىزدى جانداندىردىق»- دەيدى كاسىپكەر.

قازىر تىگىن سەحىندا 25 ادام جۇمىس ىستەيدى. ويۋ ويۋعا ارنالعان ەكى لازەرلى ستانوك العان. ايىنا 100-150 دانا توپتاماعا تاپسىرىس تۇسەدى. كاسىپكەر تىگىنشىلەردى تەگىن تۇسكى اسپەن قامتىپ وتىر. سونداي- اق تىگىنشىلەرگە 150 مىڭ تەڭگەگە دەيىن جالاقى تولەيدى.