كوروناۆيرۋس: مەديتسينا قىزمەتكەرلەرىنە وتەماقى بەرۋ توقتاتىلدى

None
None
نۇر- سۇلتان. قازاقپارات – 20-قازاننان باستاپ كوروناۆيرۋسپەن كۇرەستە جۇرگەن مەديتسينا قىزمەتكەرلەرىنە بىررەتتىك الەۋمەتتىك تولەم بەرۋ توقتاتىلدى.

بۇل تۋرالى ق ر دەنساۋلىق ساقتاۋ ءبىرىنشى ۆيتسە- ءمينيسترى مارات شورانوۆ ايتتى، دەپ حابارلايدى قازاقپارات ءتىلشىسى.

«COVID-19-بەن كۇرەس اياسىنداعى شارالارعا جۇمىلدىرىلعان مەديتسينا قىزمەتكەرلەرىنىڭ ايلىق جالاقىلارىنا ىندەتتى جۇقتىرىپ الۋ تاۋەكەلى ءۇشىن ۇستەماقى تولەۋ جالعاسىپ جاتىر. پرەمەر- ءمينيستردىڭ تاپسىرماسىمەن 20-قازاندا ۇكىمەت جانىنداعى ۆەدومستۆوارالىق كوميسسيانىڭ كەزەكتى وتىرىسى ءوتىپ، وندا مەديتسينا قىزمەتكەرلەرىنە بىررەتتىك الەۋمەتتىك تولەمدى اياقتاۋ تۋرالى شەشىم قابىلداندى. اتاپ ايتقاندا، 20-قازاننان باستاپ قازىرگى ۋاقىتتا جاسالعان بارلىق جاعدايدى ەسكەرە وتىرىپ، مەديتسينا قىزمەتكەرلەرىنە الەۋمەتتىك تولەم ءۇشىن جاڭا وتىنىمدەر قابىلداۋ توقتاتىلدى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ءبىرىنشى ۆيتسە- ءمينيستردىڭ ايتۋىنشا، قازىرگى ۋاقىتتا تولەم الۋعا قۇقىلى مەديتسينا قىزمەتكەرلەرىنىڭ 421 ىنە عانا اقشا اۋدارىلعان جوق. ولارعا قاتىستى ماسەلە وڭىرلىك كوميسسيا دەڭگەيىندە راسىمدەلىپ جاتىر. تولەم وسى جىلدىڭ 23-قازانىنا دەيىن بەرىلەدى.

«جۇمىس بارىسىندا اۋىرىپ قالعان جاعدايدا الداعى ۋاقىتتا قولداۋ شارالارى مەديتسينالىق ۇيىمداردىڭ نەمەسە كاسىپوداق ۇيىمدارىنىڭ نە جەرگىلىكتى اتقارۋشى ورگانداردىڭ قاراجاتى ەسەبىنەن كورسەتىلەتىن بولادى. بۇل مەديتسينا ۇيىمدارىنىڭ باسشىلارىن ءوزىنىڭ مەديتسينالىق قىزمەتكەرلەرىن جەكە قورعانىش زاتتارىمەن قامتاماسىز ەتۋگە، سانيتارلىق- ەپيدەميولوگيالىق رەجيمنىڭ ساقتالۋىنا باقىلاۋ جاساۋعا ىنتالاندىراتىن بولادى»، - دەدى مارات شورانوۆ.


سوڭعى جاڭالىقتار