عالىمدار ادام ميىنان عىلىمعا بەلگىسىز اعزا تاپتى

نۇر- سۇلتان. قازاقپارات - نيدەرلاندتىق قاتەرلى ىسىك ينستيتۋتىنىڭ عالىمدارى سىلەكەي بەزدەرىنە ۇقسايتىن عىلىمعا بەلگىسىز، ادامنىڭ باسىنىڭ ىشىندە جاسىرىن اعزا تاپتى.

زەرتتەۋ radiotherapy and Oncology جۋرنالىندا جاريالاندى.

عالىمدار بەلگىسىز اعزانى قاتەرلى ىسىككە شالدىققان ناۋقاستى تەكسەرۋ بارىسىندا كەزدەسوق تاۋىپ الىپتى. دياگنوستيكا قۇرالى قانعا راديواكتيۆتى گليۋكوزانى ەنگىزە وتىرىپ، كونتراستتى توموگرافيا كەزىندە ىسىكتى انىۇتاۋى كەرەك بولعان. الايدا، ماماندار سۋرەتتەردەن ەكى بەلگىسىز اعزانى كورگەن.

«زەرتتەۋ بارىسىندا پايدا بولعان ەكى مۇشەدە سىلەكەي بەزدەرىنىڭ بارلىق بەلگىلەرى بار»، - دەيدى زەرتتەۋدىڭ جەتەكشى اۆتورى، امستەردام ۋنيۆەرسيتەتىنىڭ اۋىز حيرۋرگى ماتتەيس ۆالستار.

ول ورگانعا «قۇبىرلى بەزدەر» دەگەن اتاۋ بەرىلگەنىن ايتتى، ويتكەنى ولار تۇتىك روليگىنىڭ ۇستىندە ورنالاسقان (جۇتقىنشاقتىڭ مۇرىن بولىگىندەگى بيىكتىك) .

نيدەرلاندى قاتەرلى ىسىك ينستيتۋتىنىڭ راديولوگ- ونكولوگى ۆاۋتەر ۆوگەل جاڭا اعزالار تۋرالى پىكىر ءبىلدىردى.

«ادامدا ۇلكەن سىلەكەي بەزدەرىنىڭ ءۇش جيىنتىعى بار، ءبىراق بۇل جەردە ەمەس. بۇرىن بەلگىلى بولعانداي، نازوفارينستەگى سىلەكەي بەزدەرى ميكروسكوپيالىق جاعىنان كىشكەنتاي. ولاردىڭ مىڭعا جۋىعى شىرىشتى قابىققا بىركەلكى بولىنەدى. سوندىقتان ءبىز ونى تاپقان كەزدەگى تاڭدانىسىمىزدى ەلەستەتە المايسىز!»- دەپ ءتۇسىندىردى مامان.

ءتيىستى بەزدەر psma PET/CT سكانەرىمەن تەكسەرىلگەن بارلىق ءجۇز پاتسيەنتتە تابىلدى. سونداي- اق، عالىمدار ەرلەر مەن ايەلدەردىڭ ەكى دەنەسىنىڭ اۋتوپسياسىن جۇرگىزدى، بۇل وسى «قۇرىلىمنىڭ» بار ەكەنىن راستادى.

زەرتتەۋ ەسەبىندە قۇبىرلى بەزدەر دەپ اتالاتىندار بۇرىن ەشقانداي دەرەككوزدە سيپاتتالماعان دەپ كورسەتىلگەن.

Stan.kz