ۇلتتىق كەڭەس شەشىمىن تاپپاي جاتقان ماسەلەلەردى تالقىلاۋعا مۇمكىندىك اشتى - ايگۇل ورىنبەك

None
None
نۇر- سۇلتان. قازاقپارات - ۇلتتىق قوعامدىق سەنىم كەڭەسىنىڭ مۇشەسى ايگۇل ورىنبەك كەڭەس اياسىندا الەۋمەتتىك باعىتتا قانداي ماسەلەلەر تالقىلانىپ جاتقاندىعىن ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا پرەزيدەنت اكىمشىلىگىمەن، مينيسترلەرمەن كوپتەگەن الەۋمەتتىك ماسەلەنى كوتەرىپ، تىكەلەي جۇمىس ىستەپ جاتىرمىز. جاقسى مۇمكىندىكتەر جاسالعان. Zoom ارقىلى تىكەلەي ەفيردە ايىنا 2 رەت مينيسترلەرمەن كەزدەسىپ، ءار وڭىردە بولىپ جاتقان ماسەلەلەردى اشىق تالقىلاۋ جۇرگىزىلۋدە. ال بۇل «حالىق ۇنىنە قۇلاق اساتىن مەملەكەت» تۇجىرىمداماسىنىڭ جۇيەلى تۇردە ناقتى جۇمىس ىستەپ جاتقانىنىڭ بەلگىسى. بۇرىن كوپتەگەن ماسەلەلەردى مينيسترلىكتەردىڭ تاراپىنا اشىق ايتا الماي جۇرسەك، قازىر بىرگە تالقىلاپ، شەشۋ تەتىكتەرىن قاراستىرۋدامىز. وسىعان دەيىن اكىمدەر جاسالماعان جۇمىستارىن جاسىرۋعا تىرىسسا، قازىر جەرگىلىكتى جەردە شەشىمىن تاپپاعان كۇردەلى ماسەلەلەردى تالقىلاپ وتىرۋعا مۇمكىندىك جاسالىپ وتىر»، - دەدى ول.

سونىمەن قاتار ايگۇل ورىنبەك وسى ۋاقىتقا دەيىن ەلىمىزدىڭ ءبىلىم جانە عىلىم، اۋىل شارۋاشىلىعى، دەنساۋلىق ساقتاۋ مينيسترلەرىمەن ءبىرقاتار ناقتى ماسەلە تالقىلانعانىن اتاپ ءوتتى.

« ء بىلىم جانە عىلىم ءمينيسترى اسحات ايماعامبەتوۆپەن، اۋىل شارۋاشىلىعى ءمينيسترى ساپارحان وماروۆپەن، دەنساۋلىق ساقتاۋ ءمينيسترى الەكسەي سويمەن Zoom ارقىلى ونلاين كەزدەسۋ وتكىزدىك. سول كەزدە ساپارحان وماروۆپەن قازىرگى ۋاقىتتا وڭتۇستىكتەگى باعاسى تۇراقتالماي وتىرعان ماقتا ماسەلەسىن، الەكسەي سويمەن ءدار- دارمەك ماسەلەسىن تالقىلادىق. الداعى ۋاقىتتا ورىن الۋى مۇمكىن كوروناۆيرۋستىڭ جاڭا تولقىنى كەزىندە جازداعىداي دارىلىك زاتتار تاپشىلىعىن بولدىرماۋ جايىن قوزعادىق. قازىرگى ۋاقىتتا وسى ماسەلەگە وراي قاي جەرگە قانشا اقشا اۋدارىلعانىن، قانداي ءدارى- دارمەك جەتىسپەي جاتقانىن زەردەلەپ وتىرمىز»، - دەدى ايگۇل ورىنبەك.

سوڭعى جاڭالىقتار