ۇلتتىق ەكونوميكا ۆيتسە-ءمينيسترى تاعايىندالدى

نۇر-سۇلتان. قازاقپارات - قازاقستان رەسپۋبليكاسى ۇكىمەتىنىڭ قاۋىلىسىمەن ازامات كەمەڭگەر ۇلى ءامرين قازاقستان رەسپۋبليكاسى ۇلتتىق ەكونوميكا ۆيتسە-ءمينيسترى قىزمەتىنە تاعايىندالدى.

بۇل تۋرالى ق ر پرەمەر-ءمينيسترىنىڭ باسپا ءسوز قىزمەتى حابارلايدى.

ازامات ءامرين 1973 -جىلى سولتۇستىك قازاقستان وبلىسىندا دۇنيەگە كەلگەن. اقمولا اۋىل شارۋاشىلىعى ينستيتۋتىن جانە م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن بىتىرگەن. ماماندىعى بويىنشا ەكونوميست-مەنەدجەر، قۇقىقتانۋ باكالاۆرى. ەڭبەك جولىن 1989 -جىلى كورنەيەۆ كەڭشارىندا جۇمىسشى بولىپ باستادى.

1997 -جىلدان 2008 -جىل ارالىعىندا سولتۇستىك قازاقستان وبلىسىنىڭ سالىق كوميتەتىندە ءتۇرلى لاۋازىمدار اتقاردى.

2008-2011 ج ج. - س ق و شال اقىن اۋدانىنىڭ اكىمى.

2011-2012 ج ج. - «امرين ك. ك. « شارۋا قوجالىعىنىڭ مەنەدجەرى.

2013-2015 ج ج. – ق ر ۇلتتىق ەكونوميكا مينيسترلىگىنىڭ سالىق جانە كەدەن ساياساتى دەپارتامەنتى ديرەكتورىنىڭ ورىنباسارى.

2015 -جىلعى قاڭتاردان باستاپ قازىرگە دەيىن ق ر ۇلتتىق ەكونوميكا مينيسترلىگىنىڭ سالىق جانە كەدەن ساياساتى دەپارتامەنتىنىڭ ديرەكتورى بولىپ ەڭبەك ەتتى.