ساياسات تانۋشى پارلامەنتكە ءوتۋ مۇمكىندىگى مول ءۇش پارتيانى اتادى

None
None
نۇر-سۇلتان. قازاقپارات - ساياسات تانۋشى دانيار اشىمبايەۆ پارلامەنتكە ءوتۋ مۇمكىندىگى مول ءۇش پارتيانى اتادى، دەپ حابارلايدى قازاقپارات ءتىلشىسى.

«بىرىنشىدەن، سايلاۋ ءوز ۋاقىتىندا وتەدى - 6-ءماجىلىستىڭ قۇزىرەتى كەلەسى جىلدىڭ ناۋرىز ايىندا اياقتالادى دا، پارلامەنتتىڭ تومەنگى پالاتاسىنىڭ جۇمىسى جالعاسا بەرەدى. بۇعان دەيىن سايلاۋدىڭ وتەتىنى جايلى جەلتوقساننىڭ سوڭىنا قاراي بەلگىلى بولاتىنى تۋرالى بولجامدار ايتىلىپ ەدى. الايدا ولاي بولماي شىقتى. ايتپاقشى قازاقستان تاريحىندا جوسپارلى سايلاۋدان قاراعاندا مەرزىمىنەن بۇرىن وتەتىن سايلاۋلار كوپ بولىپتى. جالپى پرەزيدەنت سايلاۋىنىڭ دا مەرزىمىنەن بۇرىن ءوتۋىنىڭ دە ەشقانداي «تراگەدياسى» جوق. مەرزىم بۇل رەتتە كوپ ۇزاق بولعان ەمەس، الەمدىك تاجىريبەگە ساي بيلىك سايلاۋ ءۇشىن ەڭ ىڭعايلى ۋاقىتتى تاڭداپ وتىردى»، - دەپ جازادى ساياساتتانۋشى Facebook پاراقشاسىندا.

دانيار اشىمبايەۆتىڭ ايتۋىنشا 7-ماجىلىسكە ءۇش پارلامەنتتىك پارتيانىڭ، اتاپ ايتقاندا «Nur Otan» ، «اق جول» جانە ق ح ك پ- نىڭ ەنۋ مۇمكىندىگى جوعارى.

«نەلىكتەن بۇلاي ويلايتىنىمدى تۇسىندىرەيىن. «Nur Otan» پارتياسى - قانشا ايتقانمەن ورتالىق ءارى نازاربايەۆتىڭ پارتياسى، تۇراقتىلىق پەن كەلىسىم باعدارى. قازىرگى جاعدايدا كورشى مەملەكەتتەردەگى جاعدايدى ەسەپكە الا وتىرىپ، بۇل قۇندىلىقتاردىڭ ءبىزدىڭ قوعامعا كەرەكتىگىن تۇيسىنەسىڭ. پرايمەريز بويىنشا كامپانيا «Nur Otan» پارتياسى كانديداتتىق كورپۋستى جاڭارتىپ، دەباتتاردىڭ تاجىريبەسىنە يە بولىپ، اشىق كامپانياعا دايىن ەكەنىن ايعاقتاپ بەردى. «اق جول» مەن ق ح ك پ دا كەيىنگى جىلدارى بەلسەندىلىكتەرىن ارتتىرا ءتۇستى.

ەلەكتوراتپەن جۇمىس جۇرگىزىپ، بارلىق الاڭدا وزدەرىن تانىتا ءبىلدى. قالعان پارتيالار تۋرالى ايتار بولساق، ولار كوزگە كورىنبەدى دە. سول سەبەپتى سايلاۋ 2020 -جىلدىڭ جەلتوقسان پەن 2021 -جىلدىڭ قاڭتار ايلارىندا وتەدى. بارىندە دە دايىندالىپ الارلىق ۋاقىت بولدى. جاڭا پارتيالاردى تىركەۋدى جەڭىلدەتەتىن نورمالار قابىلداندى. پارلامەنتتىك وپپوزيتسيا مارتەبەسى تۋرالى زاڭعا وزگەرىستەردى ەنگىزىلدى»، - دەيدى ول. ساياسات تانۋشى.

سونىمەن قاتار جاستار مەن ايەلدەرگە كۆوتا بەرۋ، پارتيالىق ءتىزىم بويىنشا ءماسليحات سايلاۋىن وتكىزۋ شارۋالارى كۇردەلى ەمەستىگىن جەتكىزدى.

ەسكە سالا كەتسەك بۇگىن مەملەكەت باسشىسى قاسىم-جومارت توقايەۆ ق ر پارلامەنتى ءماجىلىسى جانە ءماسليحات دەپۋتاتتارى سايلاۋىن تاعايىنداۋ تۋرالى ۇندەۋ جاريالاعان بولاتىن.

«بۇگىن مەن پارلامەنت ءماجىلىسى دەپۋتاتتارىنىڭ سايلاۋىن تاعايىنداۋ تۋرالى جارلىققا قول قويدىم. ورتالىق سايلاۋ كوميسسياسىنىڭ قاۋلىسىمەن بارلىق دەڭگەيدەگى ءماسليحات دەپۋتاتتارىنىڭ سايلاۋى تاعايىندالادى. الداعى سايلاۋ كونستيتۋتسيالىق مەرزىمگە سايكەس، 2021 -جىلدىڭ 10-قاڭتارىندا وتەدى. بارلىق ساياسي پارتيالاردىڭ بۇل سايلاۋ ناۋقانىنا قاتىسۋعا دايىندالۋىنا، سايلاۋ الدىنداعى پلاتفورماسىن ازىرلەۋىنە، پارتيالىق ينفراقۇرىلىمداردى جەتىلدىرۋىنە ۋاقىتى جەتكىلىكتى بولدى»، - دەدى پرەزيدەنت ۇندەۋىندە.


سوڭعى جاڭالىقتار