نۇر-سۇلتان جولدارىندا ەرەكشە جولاقتار پايدا بولدى

نۇر-سۇلتان. قازاقپارات - نۇر-سۇلتان جولدارىندا ەرەكشە جولاقتار پايدا بولدى، - دەپ حابارلايدى Kolesa.kz.

باسىلىمنىڭ مالىمەتىنشە، ءال-فارابي (بۇرىنعى ۋگولنايا) كوشەسىندە بىردەن ءتورت سىزىق پايدا بولعان.

«مۇنداي تاجىريبە جاساۋعا نە سەبەپ بولعانى بەلگىسىز. ەرەجە بويىنشا قوسارلى ءبۇتىن سىزىق ءتورت جانە ودان كوپ جولاعى بار كوشەلەرگە سالىنادى. ماماندار كوشەنىڭ التى جولاقتى ەكەنىن بايقاپ، ونداعى تاڭبا سانىن ارتتىرسا كەرەك.

تاعى ءبىر نۇسقا بۇل مۇلدە باسۋعا بولمايتىن تاڭبا بولۋى مۇمكىن. ەگەر ادەتتەگى قوسارلى ءبۇتىن سىزىقتى باسساڭىز التى ايعا جۇرگىزۋشى كۋالىگىنەن قاعىلاسىز، ال مىنانى ەلەمەگەندەر تۇرمەگە قامالۋى عاجاپ ەمەس»، - دەپ ازىلدەپ جازعان باسىلىم.

فوتو: Kolesa.kz