+7 (701) 759 90 19
-17 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

ەلوردادا قۇران وقۋدان قاريلار بايقاۋى باستالدى

21 قازان 10:43
:ءبولىسۋ
ەلوردادا قۇران وقۋدان قاريلار بايقاۋى باستالدى

نۇر-سۇلتان. قازاقپارات - ەلوردادا Ⅸ رەسپۋبليكالىق «قۇران كارىمدى جاتقا جانە مانەرلەپ وقۋ» قاريلار بايقاۋى باستالدى، دەپ حابارلايدى قازاقپارات ءتىلشىسى.

ەكى كۇنگە جالعاساتىن بايقاۋعا ەلىمىزدىڭ تۇكپىر-تۇكپىرىنەن 72 ۇمىتكەر قاتىسقالى وتىر. ايماقتىق ىرىكتەۋ كەزەڭدەرىنەن وق بويى وزا شاپقان سايىسكەرلەر 4 اتالىم، ياعني، قۇران كارىمنىڭ 10، 20 جانە 30 پاراسىن جاتقا وقۋ، سونداي-اق، مانەرلەپ وقۋ بويىنشا باق سىناماق. بۇگىنگى ءراسىم بارىسىندا ۇمىتكەرلەردىڭ رەتتىك ءنومىرى بەلگىلى بولدى.

«قۇرمەتتى قۇران جارىسىنا قاتىسۋشى باۋىرلارىمىز! 30 پارا، 20 پارا، 10 پارا قۇراندى جاتقا بىلەتىندەر بۇگىن اللا قالاسا جارىسقا قاتىسادى. بارشاڭىزعا اللا جار بولسىن. سىزدەردىڭ رەسپۋبليكا كولەمىندە ىرىكتەلىپ، وسى جەرگە كەلۋلەرىڭنىڭ ءوزى - اللانىڭ بەرگەن ۇلكەن دارەجەسى. سىزدەر ءوز وڭىرلەرىڭىزدە قۇران جارىسىنان ءبىرىنشى ورىن الىپ، وسىندا كەلدىڭىزدەر. ءتاۋبا دەۋگە بولادى. اللا سىزدەرگە سول جاتتاعان قۇراندارىڭىزدى ەستەرىڭىزدەن شىقپاي، 30 پارا قۇراندى جاتقا بىلۋگە اللا ءناسىپ ەتسىن. كەشە عانا ءبىزدىڭ قازاقستان مۇسىلماندارى ءدىني باسقارماسىنىڭ ءبىر باۋىرىمىزدىڭ قۇراندى از ۋاقىتتىڭ ىشىندە عانا جاتتاپ العان ماقالاسىن وقىعاندا تاڭعالدىم. اللا قالاعان ۋاقىتىندا قالاعان قۇراندى وسىلاي جاتتاتۋتعا مۇمكىندىك بەرەدى ەكەن»، - دەدى باس ءمۇفتي ناۋرىزباي قاجى تاعان ۇلى.


رەسپۋبليكالىق «ازىرەت سۇلتان» مەشىتىندە وتەتىن قاريلار بايقاۋى ەلىمىزدەگى پاندەمياعا بايلانىستى ساقتىق شارالارىن ساقتاي وتىرىپ وتەدى جانە جالپى جۇرتشىلىققا «حيكمەت» ستۋدياسىنىڭ YouTube-ارناسىنان، «حالىق ارنا» تەلەارناسى، سونىمەن بىرگە ءمۇفتياتتىڭ Instagram-داعى رەسمي پاراقشاسىنان تىكەلەي كورسەتىلىم ۇسىنىلادى.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات