09:43, 21 - قازان 2020 | GMT +6
پرەزيدەنت پارتيالىق تىزىمگە ايەلدەر مەن جاستار كۆوتاسىنىڭ ەنگىزىلۋى تۋرالى ايتتى
نۇر-سۇلتان. قازاقپارات - پارلامەنتتىك تاجىريبەمىزدە العاش رەت پارتيالىق تىزىمگە ايەلدەر مەن جاستار ءۇشىن 30 پايىزدىق كۆوتا ەنگىزىلدى.
بۇل تۋرالى ق ر پرەزيدەنتى قاسىم-جومارت توقايەۆ ءماجىلىس جانە ءماسليحات دەپۋتاتتارىنىڭ سايلاۋى تۋرالى ۇندەۋىندە ايتتى، دەپ حابارلايدى قازاقپارات.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭدا جانە «ساياسي پارتيالار تۋرالى» زاڭدا قاراستىرىلعان ەرەجەلەر بويىنشا پارلامەنتتىك تاجىريبەمىزدە العاش رەت پارتيالىق تىزىمگە ايەلدەر مەن جاستار ءۇشىن 30 پايىزدىق كۆوتا ەنگىزىلدى. بۇل نورما پارلامەنتكە جانە جەرگىلىكتى وكىلدى ورگاندارعا ايەلدەر مەن جاستاردى تارتۋدىڭ ءتيىمدى جولى رەتىندە ولاردىڭ ەلىمىزدەگى قوعامدىق-ساياسي ۇدەرىستەرگە بەلسەندى قاتىسۋىنا سەپتىگىن تيگىزەدى»، - دەدى ق ر پرەزيدەنتى.