چەمپيوندار ليگاسى: «بارسەلونا» قارسىلاسىن ءىرى ەسەپپەن جەڭدى

None
None
نۇر-سۇلتان. قازاقپارات - بۇگىن UEFA چەمپيوندار ليگاسى توپتىق كەزەڭى باستالدى، دەپ حابارلايدى قازاقپارات ءتىلشىسى.

G توبىندا سىنعا تۇسەتىن يسپانيانىڭ «بارسەلوناسى» ءوز الاڭىندا ماجارستاننىڭ «فەرەنتسۆاروش» كلۋبىنان 3:0 ەسەبىمەن باسىم ءتۇستى. يسپانيالىق كلۋب ساپىنان ليونەل مەسسي 27-مينۋتتا پەنالتيدەن ەسەپ اشتى. ودان كەيىن 42-مينۋتتا انسۋ فاتي ەسەپتى ۇستەمەلەي ءتۇستى.

ال 52-مينۋتتا «بارسەلونانىڭ» تاعى ءبىر ويىنشىسى فيليپپە كوۋتينو مەرگەندىك تانىتتى. ماجار كلۋبى ساپىنان يگور حاراتين 70-مينۋتتا پەنالتيدەن ەسەپ ايىرماسىن قىسقارتتى. بۇدان كەيىن يسپانيالىق فۋتبولشى پەدرو لوپەس قارسىلاستار قاقپاشىسىن قاپى قالدىردى.

ال 89-مينۋتتا الاڭ يەلەرى ساپىنان ۋسمان دەمبەلە قورىتىندى ەسەپتى بەلگىلەدى.

وسىلايشا «بارسەلونا» قارسىلاسىن 5:1 ەسەبىمەن ويسىراتا جەڭدى. وسى توپتاعى يتاليانىڭ «يۋۆەنتۋسى» ۋكراينادا كييەۆتىڭ «ديناموسىنان» 2:0 ەسەبىمەن باسىم ءتۇستى. العاشقى تۋرداعى تاعى ءبىر نەگىزگى ويىن E توبىنداعى انگليانىڭ «چەلسي» جانە يسپانيانىڭ «سيەۆيليا» كوماندالارى اراسىندا ءوتتى.

تارتىستى وتكەن كەزدەسۋدە ەسەپ اشىلعان جوق. بۇل توپتاعى فرانسيانىڭ «رەنن» جانە رەسەيدىڭ «كراسنودار» كوماندالارى 1:1 ەسەبىنە قاناعات ءبىلدىردى.

F توبىندا رەسەيدىڭ «زەنيتى» ءوز الاڭىندا بەلگيانىڭ «بريۋگگە» كلۋبىنا 1:2 ەسەبىمەن جول بەردى. ال يتاليانىڭ «لاتسيوسى» ءوز الاڭىندا گەرمانيانىڭ «بورۋسسيا دورتمۋند» كلۋبىن 3:1 ەسەبىمەن جەڭدى. H توبىندا دا تارتىستى ويىندار ءوتتى. گەرمانيانىڭ «ر ب لەيپتسيگ» كومانداسى ءوز الاڭىندا تۇركيانىڭ «يستانبۋل باشاكشەحيرىن» 2:0 ەسەبىمەن ءتىز بۇكتىردى. ال فرانسيانىڭ «پاري سەن-جەرمەنى» ءوز الاڭىندا انگليانىڭ «مانچەستەر يۋنايتەدىنە» 1:2 ەسەبىمەن جول بەردى.

چەمپيوندار ليگاسى بۇگىن، 21 - قازاندا دا جالعاسادى. بۇل كۇنى A ، B ، C جانە D توپتارىنداعى كوماندالار ءوزارا شەبەرلىك بايقاسادى.

20-22 - قازان ارالىعىندا Qazaqstan مەن QAZSPORT تەلەارنالارى ۋەفا چەمپيوندار ليگاسى مەن ەۋروپا ليگاسىنىڭ توپتىق كەزەڭىنىڭ ماتچتارىن تىكەلەي ەفيردە كورسەتەدى.

سوڭعى جاڭالىقتار