+7 (701) 759 90 19
-23 °С : نۇر-سۇلتان
-2 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

كوروناۆيرۋسپەن كۇرەس: قايتىس بولعان اسكەري قىزمەتشى ماراپاتتالدى

21 قازان 07:51
:ءبولىسۋ

اقتاۋ. قازاقپارات - اقتاۋ گارنيزونىندا اسكەري بورىشىن ورىنداۋ كەزىندە قازا تاپقان اعا سەرجانت جولداسجان ەرەشبايەۆتى ماراپاتتاۋ ءراسىمى ءوتتى.

بۇل تۋرالى ق ر قورعانىس مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

ج. ەرەشبايەۆ بيىلعى 25 - ناۋرىزدان باستاپ كوروناۆيرۋس ينفەكتسياسىمەن كۇرەستە الدىڭعى قاتاردا بولدى.

«اعا سەرجانت ءوزىنىڭ اسكەري بولىمىندە دەزينفەكتسيالىق توپتىڭ قۇرامىنا كىرىپ، اقتاۋ قالاسىنىڭ اۋماعىن وڭدەۋمەن اينالىستى. باسقا ارىپتەستەرى سياقتى وڭدەۋ جۇمىستارىن كۇن سايىن جاسادى. الايدا، قاۋىپسىزدىك شارالارىنا قاراماستان، ۆيرۋسپەن كۇرەسۋگە قاتىسقان اسكەري قىزمەتشى ناۋقاستانىپ، 24 - ساۋىردە COVID-19 دان قايتىس بولدى»، - دەدى قورعانىس مينيسترلىگىنەن.

ەسكە الۋ ءراسىمى بارىسىندا ق ر ق ك باس شتابى باستىعىنىڭ ورىنباسارى سەرىك بورامبايەۆ اعا سەرجانتتى «ەل قورعانى» مەدالىمەن ماراپاتتاۋ تۋرالى قورعانىس ءمينيسترىنىڭ بۇيرىعىن وقىدى.

اسكەري قىزمەتشىنىڭ ماراپاتى ونىڭ جۇبايىنا تابىستالدى. مارقۇمنىڭ ارتىندا 5 پەرزەنتى قالدى.

«مارقۇمنىڭ ارىپتەستەرىنىڭ ايتۋىنشا، ول قىزمەتتە ءوز ءىسىنىڭ لايىقتى مامانى بولعان. ءارقاشان جوعارى جاۋاپكەرشىلىكپەن جانە تارتىپتىلىكپەن ەرەكشەلەنىپ، جاۋىنگەرلىك دايارلىقتا جاقسى ناتيجەلەر كورسەتكەن. دوستارى مەن تانىستارى ونى باسقالارعا جاناشىر، قامقور ادام رەتىندە ەسكە الادى»، - دەدى مينيسترلىكتەن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات