قازاقستاندىقتار قانشا جالاقى الاتىنى جاريالاندى
اتالعان زەرتتەۋ قورىتىندىسىنا سايكەس، كاسىپورىندار مەن ۇيىمداردىڭ بيىلعى ماۋسىمدا تولىق جۇمىس ىستەگەن قىزمەتكەرلەر سانى 2713,6 مىڭ ادامدى قۇراعان. ونىڭ ىشىندە ەرلەر - 1246,6 مىڭ ادامدى نەمەسە 45,9 پايىزدى، ايەلدەر - 1467,0 مىڭ ادامدى نەمەسە 54,1 پايىز.
زەرتتەۋ قورىتىندىسىنا سايكەس، قىزمەتكەرلەردىڭ جالپى سانىنان ورتاشا ايلىق جالاقىنى: 45000 تەڭگەگە دەيىن -% 1,8 قىزمەتكەرلەر،
45000 - 105000 تەڭگە ارالىعىندا - %30,8،
105000 - 210000 تەڭگەگە دەيىن -% 39,2،
210000 - 300000 تەڭگەگە دەيىن -% 14,2،
300 000 - 420000 تەڭگەگە دەيىن - %7,2،
420000 - 600000 تەڭگەگە دەيىن - %3,6،
600000 - 750000 تەڭگەگە دەيىن - %1,2،
750000 - 900000 تەڭگەگە دەيىن - %0,6،
900000 تەڭگەدەن جوعارى - 1,4 پايىز قىزمەتكەرلەر الدى.
«قىزمەتكەرلەردىڭ ورتاشا ەڭبەكاقىسىنىڭ مەدياندىق ءمانى 142291 تەڭگەنى قۇرادى. ورتاشا ايلىق جالاقىنىڭ مودالدىك ءمانى 169792 تەڭگەگە جەتتى. ورتاشا ايلىق جالاقى ديففەرەنتسياتسياسىنىڭ دەتسيلدىك كوەففيتسيەنتى 5,8 بولدى»، - دەلىنگەن ستاتيستيكا كوميتەتىنىڭ اقپاراتىندا.