تۇماۋدان قالاي ساقتانۋ كەرەك؟

نۇر-سۇلتان. قازاقپارات - كۇن سۋىتىپ كەلەدى. ادەتتە، مۇنداي ماۋسىمدا تۇماۋ ۆيرۋسى ءورشيدى. كەيدە ادامعا سۋىق ءتيىپ، تىنىس جولىنىڭ جوعارعى بولىكتەرى قابىنىپ، ونىڭ تۇماۋعا ۇقساۋى دا مۇمكىن.

ءبىراق بۇل تۇماۋ ەمەس. ول سالقىن تيگەندە مۇرىن، كومەي، جۇتقىنشاقتاردى جايلايتىن باسقا ميكروبتاردىڭ ارەكەتى. سوندىقتان تۇماۋ مەن سالقىن ءتيىپ اۋرۋدى شاتاستىرىپ الماۋىمىز كەرەك.

تۇماۋ دەگەنىمىز نە؟

تۇماۋ - بۇل ۆيرۋس، وتكىر رەسپيراتورلىق ينفەكتسيا، ياعني تىنىس الۋ جولدارىنىڭ اۋرۋى. تۇماۋ ۆيرۋسى جۇقپالى جانە ادام اعزاسىنا تۇسسە ءورشىپ كەتۋى مۇمكىن.

تۇماۋ ۆيرۋسىنىڭ بەلگىلەرى:

• دەنە تەمپەراتۋراسىنىڭ كوتەرىلەدى - C 39 جانە ودان جوعارى؛

• دەنە قالتىرايدى؛

• السىزدىك پايدا بولادى؛

• بۇلشىقەتتەر مەن بۋىندار اۋىرسىنادى؛

• باس اۋىرادى؛

• كوزدەن جاس اعادى؛

• ادام جارىققا سەزىمتال بولادى؛

• تاماقتىڭ اۋىرادى؛

• قۇرعاق جوتەل پايدا بولادى؛

• مۇرىننان سۋ اعادى.

كەيدە ءىشتىڭ اۋىرۋى جانە ديارەيا بايقالادى. تۇماۋ كەزىندە دەنە تەمپەراتۋراسىنىڭ جوعارىلاۋى بىرنەشە كۇنگە سوزىلۋى مۇمكىن، دەنەنىڭ قىزۋى تەمپەراتۋرا تۇسىرەتىن دارىلەردىڭ اسەرىنەن تومەندەمەيدى. ەگەر اۋرۋ اسقىنۋسىز بولسا، تۇماۋ 7-10 كۇنگە سوزىلادى. وسى ۋاقىت ىشىندە تۇماۋدىڭ بەلگىلەرى بىرتىندەپ جويىلادى، ال جالپى السىزدىك ەكى اپتاعا دەيىن سوزىلۋى مۇمكىن.

تۇماۋ ۆيرۋسىنىڭ تۇرلەرى

باسقا وتكىر رەسپيراتورلىق ينفەكتسيالار سياقتى تۇماۋدىڭ دا جەڭىل، ورتاشا، اۋىر جانە وتە اۋىر تۇرلەرى بار.

تۇماۋدىڭ دامۋ سەبەپتەرى

اۋرۋدىڭ سەبەبى - جوعارعى تىنىس جولدارىنىڭ شىرىشتى قابىعىنىڭ تۇماۋ ۆيرۋسىمەن زاقىمدانۋى. ينفەكتسيانىڭ (اۋرۋدىڭ) كوزى تۇماۋعا شالدىققان ادام. اۋىرعان ادام باسقالارعا جوتەل، تۇشكىرۋ ارقىلى جۇقتىرادى. ۆيرۋس سونىمەن بىرگە تۇرمىستىق زاتتار ارقىلى - مايلىق، تاماق ارقىلى دا جۇعادى.

تۇماۋدىڭ دياگنوستيكاسى

تۇماۋدىڭ دياگنوستيكاسى ادەتتە كلينيكالىق تەكسەرۋگە نەگىزدەلگەن. دەنە تەمپەراتۋراسى كۇرت كوتەرىلگەن جاعدايدا مۇمكىندىگىنشە تەزىرەك دارىگەردەن كەڭەس الۋ كەرەك. تۇماۋمەن اۋىرعان كەزدە دارىگەردىڭ قاداعالاۋى وتە ماڭىزدى، سەبەبى اسقىنۋدىڭ باستالۋىن ۋاقىتىندا انىقتاۋعا مۇمكىندىك بەرەدى. اسقىنۋلار تەمپەراتۋرانىڭ قايتا كوتەرىلۋى، جوتەلدىڭ جوعارىلاۋى جانە جالپى جاعدايى ءبىرشاما جاقسارعاننان كەيىن قايتادان ناشارلاۋ سياقتى بەلگىلەردە پايدا بولادى جانە ادەتتە اۋرۋدىڭ 4-5- كۇندەرىندە بىلىنەدى. بۇل جاعدايدا قوسىمشا اناليزدەر جۇرگىزۋ كەرەك.

تۇماۋدى ەمدەۋ جانە اۋرۋدى جەڭىلدەتۋ

تۇماۋدى ەمدەۋ كۇردەلى، ءبىراق يممۋن جۇيەسى تۇماۋمەن كۇرەسۋدە جانە دەنەنى قالپىنا كەلتىرۋدە ۇلكەن ءرول اتقارادى. سوندىقتان يممۋنيتەتتى كۇشەيتۋ ماڭىزدى. تەرەڭ دەمالۋ، كوپ سۇيىقتىق ءىشۋ، الكوگول ءىشۋ جانە تەمەكى شەگۋدى تىيعان ءجون. تۇماۋ كەزىندە انتيبيوتيكتەر ءىشۋ ءتيىمسىز. انتيبيوتيكتەر تەك ەكىنشى رەتتىك باكتەريالىق اۋرۋلار بولعان جاعدايدا عانا تاعايىندالادى. ءبىراق سۋىق تيۋ نەمەسە تۇماۋ بەلگىلەرى بايقالعان كەزدە انتيبيوتيكتەردى دارىگەردىڭ نۇسقاۋىنسىز قابىلداۋ تۇرعىندار اراسىندا كەڭ تارالعان. انتيبيوتيكتەردى ۆيرۋستارعا قارسى قابىلداۋ ءتيىمدى ەمەس. بۇل باكتەريالاردىڭ انتيبيوتيكتەرگە توزىمدىلىگىن ارتتىرادى.

تۇماۋدىڭ اسقىنۋى

تۇماۋ ۆيرۋسى تىنىس الۋ جولدارىنىڭ ەپيتەليي جاسۋشالارىنا اسەر ەتەتىندىكتەن، اۋرۋدىڭ اسقىنۋى باكتەريالىق اۋرۋلارعا، سونىڭ ىشىندە برونحيت، پنيەۆمونيا (وكپەنىڭ قابىنۋى) ، وتيت (قۇلاقتىڭ قابىنۋى) سياقتى اۋرۋلاردىڭ ورشۋىنە سەبەپ بولادى. جالپى، تۇماۋ ناۋقاستىڭ سوزىلمالى اۋرۋلارىن كۇشەيتۋى مۇمكىن.

تۇماۋدىڭ الدىن الۋ شارالارى

تۇماۋدىڭ الدىن- الۋدىڭ ءتيىمدى ءادىسى - يممۋن جۇيەسىن جىل بويى بابىندا ۇستاۋ. يممۋنيتەتتى كۇشەيتۋدىڭ ءارتۇرلى ادىستەرى بار، سونىڭ ىشىندە:

• سپورتپەن اينالىسۋ؛

• بەلسەندى ءومىر سالتى؛

• دۇرىس جانە ۋاقىتىلى تاماقتانۋ؛

تاعى ءبىر نەگىزگى مەديتسينالىق ءادىس - بۇل ۆاكتسينا. تۇماۋ ماۋسىمى باستالاردان 2-3 اي بۇرىن (ادەتتە قازان- قاراشا ايلارىندا) ۆيرۋستىڭ بەلگىلى ءبىر تۇرىنە (شتاممىنا) ۆاكتسيناتسيا جاسالادى. سونداي- اق ەپيدەميا كەزىندە ۆيرۋسقا قارسى پرەپاراتتاردى پروفيلاكتيكالىق شارا رەتىندە قولدانۋ ۇسىنىلادى. گيگيەنالىق ەرەجەلەردى ساقتاۋ، ناۋقاس ادامداردان اۋلاق ءجۇرۋ، مەديتسينالىق ماسكا تاعۋ، وتباسى مۇشەلەرى اۋىرعان كەزدە تازالىققا كوڭىل ءبولۋ، بولمەنى ءجيى جەلدەتۋ اۋرۋدىڭ پايدا بولۋ مۇمكىندىگىن ازايتادى.

massaget.kz