+7 (701) 759 90 19
-14 °С : نۇر-سۇلتان
-1 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

ادىلبەك قابا: بالالار تىلىندە سويلەي الاتىن شىعارمالارعا ءزارۋمىز

20 قازان 21:37
:ءبولىسۋ
ادىلبەك قابا: بالالار تىلىندە سويلەي الاتىن شىعارمالارعا ءزارۋمىز

نۇر- سۇلتان. قازاقپارات - مادەنيەت جانە سپورت مينيسترلىگى ءتىل ساياساتى كوميتەتى «ۇلت ادەبيەتى - جاستار كوزىمەن» اتتى جاس اقىن- جازۋشىلارمەن ونلاين كەزدەسۋ وتكىزدى، دەپ حابارلايدى قازاقپارات ءتىلشىسى.

جاس ۇرپاقتى ۇلتتىق داستۇردە تاربيەلەۋدەگى ادەبيەت پەن جاس تالانتتى اقىن- جازۋشىلار ءرولى قانداي؟ بەسىكتەگى ءبۇلدىرشىن مەن مەكتەپتەگى وقۋشى ۇلتتىق تاربيەگە قانىعىپ ءوسىپ كەلە مە؟ مىنە، ونلاين كەزدەسۋدە وسى ماڭىزى جوعارى ۇلتتىق رۋحانياتتاعى ءتىل، وي قۇندىلىعى، جاستار تاربيەسىندەگى ادەبيەت ماسەلەرى تالقىلاندى.

پىكىرتالاسقا ەلىمىزگە تانىمال جاس اقىن- جازۋشىلار، «انا ءتىلى» گازەتىنىڭ باس رەداكتورى، اقىن جاناربەك ءاشىمجان، مەملەكەتتىك «دارىن» سىيلىعىنىڭ يەگەرى ەرلان ءجۇنىس، «بالاپان» تەلەارناسىنىڭ ديرەكتورى ماقپال جۇماباي، اقىن، اۋدارماشى ماقپال مىسا، جازۋشى ءارى دراماتۋرگ، سىنشى الىبەك بايبول، جاس دراماتۋرگ، پروزاشى جاقسىلىق مۇراتبەك قاتىسىپ، ۇتىمدى ويلارىن ورتاعا سالدى.

«ەلدىڭ ەرتەڭگى زيالىلارى، ەل اقيقاتىن ايتا الاتىن جاس ادەبيەتشىلەرى رەتىندە سىزدەرمەن اقىلداساۋ ماڭىزدى. جاس قالامگەرلەر مەن ۇكىمەت اراسىندا بايلانىس ورناتۋ - ساناعا قانات بىتىرەتىن، بالالار ويىنىڭ دامۋىنا ۇلەس قوساتىن شىعارمالار جازۋعا تالپىندىرۋ دەپ ويلايمىن. بالالار تىلىندە سويلەي الاتىن، ولاردىڭ ساناسىنا ۇلتتىق ءداستۇردى قالىپتاستىرا الاتىن شىعارمالارعا ءزارۋمىز. بالانىڭ ءتىلىنىڭ وزگە تىلدە شىعۋىنا مىنا وزگەرمەلى زامانداعى جاڭا تەحنولوگيانىڭ دا كەسىرى بار. سول تەحنولوگيالىق قۇرىلعىلارداعى تاربيەلىك دۇنيەنىڭ ءبارى وزگە تىلدە. انيماتسيالىق دۇنيەلەر جوقتىڭ قاسى. بولعان جاعدايدا ءمانى مەن ماعاناسى قازاقي ساناعا جەتىمسىز»، - دەيدى ءتىل ساياساتى كوميتەتىنىڭ ءتوراعاسى ادىلبەك قابا.

كەزدەسۋدە اسىرەسە، كىتاپ شىعارۋ مەن تاراتۋ، كلاسسيفيكاتسيالاۋ، بالالارعا ارنالعان شىعارمالارعا قويىلاتىن تالاپتاردى الەمدىك دارەجەدە سارالاۋ قاجەتتىگىنىڭ ماڭىزدىلىعى قوزعالدى. سونداي- اق، كىتاپ تاراتۋ، سىن جانىرى، دراماتۋرگيا، بالالار ادەبيەتىن دامىتۋ تۋرالى ناقتى ۇسىنىستار ايتىلدى. شارا قورتىندىسى بويىنشا جاس جازۋشىلار ۇسىنعان قۇندى ۇسىنىستارعا وراي ارنايى شەشىم قابىلداناتىن بولدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات