+7 (701) 759 90 19
-16 °С : نۇر-سۇلتان
-3 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

جۇلدىزداردى شاقىرىپ، ۇيلەنۋ تويىن جاساعان قۋاندىق راحىم ايىپپۇل تولەيدى

20 قازان 19:42
:ءبولىسۋ
جۇلدىزداردى شاقىرىپ، ۇيلەنۋ تويىن جاساعان قۋاندىق راحىم ايىپپۇل تولەيدى

جەزقازعان. قازاقپارات - قاراعاندى وبلىسىندا مەيرامحانالاردىڭ بىرىندە قازاقستاندىق جۇلدىزداردىڭ قاتىسۋىمەن دۇركىرەگەن ۇيلەنۋ تويى ۇيىمداستىرىلدى.

ەندى مەكەمە باسشىلىعى جانە توي يەلەرى كارانتين شارالارىن ساقتاماعانى ءۇشىن ءىرى كولەمدە ايىپپۇل تولەيتىن بولادى، دەپ حابارلايدى قازاقپارات ءتىلشىسى.

ءمالىم بولعانداي، جەزقازعاندا وتكەن دەمالىس كۇندەرى تانىمال قازاقستاندىق ءانشى قۋاندىق راحىمنىڭ ۇيلەنۋ تويى ءوتتى. مەرەكەگە 70 تەن استام ادام جينالدى. ولاردىڭ ىشىندە قالىڭدىق پەن كۇيەۋ جىگىتتىڭ تۋىستارى عانا ەمەس، سونىمەن قاتار باسقا دا تانىمال ساحنا ارتىستەرى بار. ولاردىڭ اراسىندا تورەعالي تورەالى، ديدار قاميەۆ، نۇربولات ابدۋللين جانە باسقالارى بولعان. ەسترادا جۇلدىزدارى سالتاناتتى جيىننان فوتو جانە ۆيدەوجازبالاردى وزدەرىنىڭ جەلىدەگى پاراقشالارىنا سالىپ قويعان.

بۇل، ءوز كەزەگىندە تەك وقىرمانداردىڭ عانا ەمەس، سونىمەن قاتار جەرگىلىكتى ءموبيلدى توپتىڭ دا نازارىن اۋدارعان. توپ قۇرامىنا كىرەتىن تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى مەن پوليتسيا قىزمەتكەرلەرى زاڭ بۇزۋشىلىقتى تىركەدى. ەندى مەيرامحانانىڭ باسشىلىعى مەن توي يەسىنە ايىپپۇل سالىنادى.

«جەزقازعان قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى 19 - قازاندا « ۇلىتاۋ» مەيرامحاناسىندا 70 كە جۋىق ادامنىڭ قاتىسۋىمەن ۇيلەنۋ تويى وتكەنىن حابارلايدى. ماتەريال جەزقازعان قالاسىنىڭ پوليتسيا باسقارماسىندا تىركەلگەن. جەكە كاسىپكەر مەن ءىس- شارانىڭ يەسى جاۋاپكەرشىلىككە تارتىلادى»، - دەدى جەزقازعان قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ مامانى انەل بەگىمبايەۆا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات