+7 (701) 759 90 19
-16 °С : نۇر-سۇلتان
-3 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

الامان بايگە: «ەلباسى كۋبوگىندا» بەكبولات تىلەۋحاننىڭ «باقتورىسى» توپ جاردى

20 قازان 20:10
:ءبولىسۋ
الامان بايگە: «ەلباسى كۋبوگىندا» بەكبولات تىلەۋحاننىڭ «باقتورىسى» توپ جاردى

نۇر- سۇلتان. قازاقپارات - بۇگىن ەلورداداعى «قازانات» يپپودرومىندا ەلباسى كۋبوگىن ساراپقا سالعان الامان بايگە ءوتتى، دەپ حابارلايدى قازاقپارات ءتىلشىسى.

شارانى «نۇر- وتان» پارتياسىنىڭ قولداۋىمەن ۇلتتىق سپورت قاۋىمداستىعى ۇيىمداستىردى. بايگەگە ەلىمىزدىڭ تۇكپىر- تۇكپىرىنەن كەلگەن جۇيرىكتەر «جورعا جارىس» ، «قۇنان بايگە» ، «كىشى الامان» ، «الامان بايگە» سەكىلدى جارىس تۇرلەرىنەن باق سىنادى.

جۇلدە قورى 20 ميلليون تەڭگە بولعان بايگە 7 شاقىرىمدىق «جورعا جارىسىمەن» باستالدى. ناتيجەسىندە، بيكەنوۆا اياگوز باپتاعان «فيليپس» ەسىمدى جورعا ءبىرىنشى كەلدى. ەكىنشى ورىندى كابدوللايەۆ ارماننىڭ «ريەۆانش» اتتى جورعاسى يەلەنسە، ءۇشىنشى ورىندى ماتيۋح گريگوريدىڭ «ەدەلۆەيس» ەسىمدى جورعاسى الدى.

9 شاقىرىمدىق «قۇنان بايگەدەن» سۇلتان جولان ۇلىنىڭ «تالحيز» اتتى تور قۇنانى ءبىرىنشى بولىپ مارەگە جەتتى. ەكىنشى مايلىبايەۆ ەرجاننىڭ «بابۋر امير» ەسىمدى قۇنانى كەلدى. ال، ءۇشىنشى ورىن اقتاسوۆ ەرجان باپتاعان «زامانايعا» بۇيىردى.

16 شاقىرىمعا ات شاپتىرعان «كىشى الامان» بايگەدە، بوبەكباي سەكەنايدىڭ «قارلىعاش» اتتى تۇلپارى الدىنا قارا سالمادى. ەكىنشى بولىپ، شادراح ەرمەكباي ۇلىنىڭ «اقشولپانى» مارەگە جەتتى. ءۇشىنشى ورىندى سۇلتان جولان ۇلىنىڭ «بەرىكتاس» اتتى جۇيرىگى قانجىعاعا بايلاسا، ۇزدىك تورتتىكتى جاپار بەكايداردىڭ «اسەماي» اتتى تۇلپارى تۇيىندەدى.

ناعىز تۇلپارلار سىنالعان «ۇلكەن الامان» بايگە ەرەكشە تارتىستى ءوتتى. كىل جۇيرىكتەر اراسىنان بابى مەن باعى قاتار شاپقان بەكبولات تىلەۋحاننىڭ «باقتورى» اتتى تۇلپارى باس جۇلدەنى قانجىعاسىنا بايلادى. ەكىنشى بولىپ ورازاليەۆ ءماديدىڭ «قاسيەت» اتتى جۇيرىگى مارەگە جەتتى. ءۇشىنشى ورىن تاۋكەنوۆ ماقسات باپتاعان «كەرىاۋىز» اتتى تۇلپارعا بۇيىرسا، ءتورتىنشى ورىندى الماتى وبلىسىنان كەلگەن بوبەكبايەۆ بولاتتىڭ « ءۇشقوڭىر» اتتى جۇيرىگى ەنشىلەدى. ال، جۇلدەلى بەسىنشى ورىندى بوبەكباي جامبىلدىڭ «بولاشاق» ەسىمدى جۇيرىگى يەلەنسە، التىنشى بولىپ، اقتاسوۆ ەرجان باپتاعان «كوكويناق» اتتى تۇلپارى جەتتى. ءبىر وكىنىشتىسى «كوكويناق» مارە سىزىعىن كەسە بەرىپ، سەندەلىپ جىعىلىپ ءتۇستى. الامان بايگەنىڭ جۇلدەلى جەتىنشى ورنىن نوقاتاي نۇرداۋلەتتىڭ «اسۋتور» اتتى جۇيرىگى تۇيىندەدى.

جۇلدەلى جۇيرىكتەردىڭ بارلىعى اقشالاي سىيمەن ماراپاتتالدى. ال، الاماننىڭ باس جۇلدەسى بۇيىرعان قاراعاندى وبلىسى، جاڭاارقا اۋدانىنان كەلگەن مەيىرلان نۇربولاتوۆ مىنگەن «باقتورى» اتتى جۇيرىك، ق ر ۇلتتىق سپورت تۇرلەرى قاۋىمداستىعىنىڭ پرەزيدەنتى، ق ر پارلامەنتى ءماجىلىسىنىڭ دەپۋتاتى بەكبولات تىلەۋحانعا تيەسىلى. اتتى باپتاعان - بوبەكبايەۆ بولات. «باقتورى» 5 ميلليون تەڭگەگە جانە ارنايى كۋبوككە يە بولدى.

«ەلىمىزدەگى بەيبىت كۇننىڭ ارقاسىندا ءداستۇرىمىزدى ۇلىقتاعان وسىنداي ۇلكەن مەيرامعا ءبارمىز كۋا بولىپ وتىرمىز. ۇلتتىق سپورت دەسە ىشكەن اسىن جەرگە قوياتىن وسىندا وتىرعان جانكۇيەرلەرگە، ات باپتاعان باپكەرلەرگە، شاباندوزدارعا راحمەتىمدى ايتامىن. شارانىڭ وتۋىنە قولداۋ بىلدىرگەن «نۇر وتان» پارتياسىنا، نۇر- سۇلتان قالاسى اكىمدىگىنە اتسۇيەر قاۋىم اتىنان العىس ايتامىن. الاشتىڭ بالاسى اتتان تۇسپەسىن» ، - دەدى بەكبولات تىلەۋحان ۇلى.



اۆتور: ريزابەك نۇسىپبەك ۇلى




:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات