ق ر باس پروكۋرورى شاڭحاي ىنتىماقتاستىعى ۇيىمى وتىرىسىندا زاڭسىز شىعارىلعان اكتيۆتەر ماسەلەسىن كوتەردى
بەينەكونفەرەنسيا بايلانىس رەجيمىندە وتكەن شاڭحاي ىنتىماقتاستىعى ۇيىمىنا (ش ى ۇ ب پ) مۇشە مەملەكەتتەر باس پروكۋرورلارىنىڭ 18- وتىرىسىنا قازاقستان رەسپۋبليكاسىنىڭ باس پروكۋرورى عيزات نۇرداۋلەتوۆ قاتىستى.
سونداي- اق شاراعا ءۇندىستان، يران، پاكىستان، قىتاي، كامبودجا، اۋعانستان، موڭعوليا، رەسەي، تاجىكستان، وزبەكستان، قىرعىزستان، بەلارۋس، ازەربايجان، ارمەنيا باس پروكۋرورلارى مەن ۋاكىلەتتى تۇلعالارى، حالىقارالىق پروكۋرورلار قاۋىمداستىعىنىڭ جانە ش ى ۇ- نىڭ لاڭكەستىككە قارسى وڭىرلىك قۇرىلىمنىڭ حاتشىلىعى مەن اتقارۋشى كوميتەتىنىڭ وكىلدەرى قاتىستى.
وتىرىس بارىسىندا ش ى ۇ- عا مۇشە مەملەكەتتەردىڭ پروكۋراتۋرالارى قىزمەتىنىڭ تاجىريبەسىمەن، سىبايلاس جەمقورلىقتىڭ الدىن الۋ مەن وعان قارسى كۇرەستىڭ زاماناۋي پراكتيكاسىمەن جانە ءتيىمدى ادىستەرىمەن الماسۋ ءوتتى.
قازاقستاننىڭ باس پروكۋرورى ش ى ۇ- عا مۇشە مەملەكەتتەردىڭ زاماناۋي اقپاراتتىق ءوزارا ءىس- قيمىلىنىڭ، ونىڭ ىشىندە زاڭسىز شىعارىلعان اكتيۆتەردى قايتارۋ مەحانيزمىن ەنگىزۋ قاجەتتىلىگىن اتاپ ءوتتى. وتىرىس قورىتىندىسى بويىنشا حالىقارالىق ىنتىماقتاستىقتى نىعايتۋ جانە كەڭەيتۋ، قىلمىستىق ىستەر بويىنشا قۇقىقتىق كومەك كورسەتۋدىڭ تيىمدىلىگىن ارتتىرۋ ءۇشىن قاجەتتى جاعدايلار جاساۋ جانە ش ى ۇ- عا مۇشە مەملەكەتتەردىڭ ءبىلىم بەرۋ ۇيىمدارى اراسىنداعى ىنتىماقتاستىقتى دامىتۋ تۋرالى شەشىم قابىلداندى.
اۆتور: اياۋلىم التىنبەك