مۇعالىمدەر ەڭبەك اقىسىنىڭ ءوسۋى رەكتورلار مەن مينيسترلىكتىڭ ارقاسى ەمەس

None
None
نۇر-سۇلتان. قازاقپارات – پرەزيدەنت تاپسىرماسىمەن بىلتىر بارلىق جوعارى وقۋ ورنىندا ستيپەنديا 25 پايىزعا وسكەنى ءمالىم.

ال، بيىلعى ءبىرىنشى قىركۇيەكتەن باستاپ بولاشاق پەداگوگتار مەن دوكتورانتۋرادا ءبىلىم الۋشىلار ءۇشىن شاكىرتاقى كولەمى تاعى دا ۇلعايتىلدى، دەپ حابارلايدى «حابار 24».

بۇل جايىندا بۇگىن ءبىلىم جانە عىلىم مينيسترلىگىنىڭ اپپارات جيىنىندا ايتىلدى. ۋنيۆەرسيتەتتەردە ساباق بەرەتىن پەداگوگتاردىڭ دا ەڭبەك اقىسى ارتتى.

«جالاقىنىڭ ءوسۋى وتە ماڭىزدى. بۇل رەكتورلار مەن مينيسترلىكتىڭ جۇمىس ناتيجەسى ەمەس. ءبىز سونى دۇرىستاپ ءتۇسىندىرۋىمىز كەرەك. بۇل مەملەكەت باسشىسىنىڭ بەرگەن تاپسىرماسىنىڭ ارقاسىندا مۇمكىن بولىپ وتىر. ءبىز كوبىنە وسى ماسەلەنى دۇرىستاپ جەتكىزبەيمىز»، - دەدى ءبىلىم جانە عىلىم ءمينيسترى اسحات ايماعامبەتوۆ.

سوڭعى جاڭالىقتار